भक्तपुरपोस्ट संवाददाताभक्तपुर, ५ बैशाख २०७९
भक्तपुर, ५ बैशाख २०७९बिस्का: जात्राको अन्तिम दिन आज भैरवनाथको रथले किचेर एक वृद्धको ज्यान गएको छ । सोमबार साँझ रथले किच्दा उनको ज्यान गएको हो ।
ज्यान गुमाउनेमा सूर्यविनायक नगरपालिका–५, कटुन्जेका ७१ वर्षीय दुर्गामान कसपाल रहेका डिएसपी राजु पाण्डेले पुष्टि गरेका छन् । जात्रा हेर्दै गरेका कसपाललाई गहिटीबाट बंशगोपाल तर्फ गैरहेको रथले नासमनामा पुग्दा किचेको थियो ।
रथ तान्ने क्रममा बाङ्गिएर आएपछि जात्रा हेर्दै गरेका कसपाललाई रथको पाङ्ग्राले किचेको एक प्रत्यक्षदर्शीले भक्तपुर पोस्टलाई बताए । कसपालको कम्मरमा गम्भीर चोट लागेको थियो । करिब छ बजे रथले किचेर घाइते भएका कसपाललाई उपचारका लागि भक्तपुर अस्पताल लगिएको थियो। उपचारकै क्रममा उनको साँझ करिब साढे ६ बजेको समयमा ज्यान गएको प्रहरीले जनाएको छ ।