वैशाख ३० का लागि तय गरिएको स्थानीय तह निर्वाचनमा मनोनयन दर्ता खुला भएको छ । आज आइतबार र भोलि सोमबार उम्मेदवारी मनोनयन दर्ताका लागि समय शुरु भएको हो ।                                                                                               बिहान १० बजे देखि साँझ ५ बजे सम्म उम्मेदवारको मनोनयन दर्ता गर्ने कार्यक्रम रहेको निर्वाचन आयोगले जनाएको छ । कार्यालय समय भित्र आफ्नो अनुकूल समय मिलाएर सम्बन्धित निर्वाचन अधिकृतको कार्यालयमा पुगी मनोनयन दर्ता गर्न सकिने प्रबन्ध मिलाइएको आयोगले जानकारी गराएको हो ।                                                                                गत स्थानीय तहको निर्वाचनमा उम्मेदवारको मनोनयन दर्ताको समय १ दिन मात्र भएकोमा यसपटक भने सो समय बढाएर २ दिन पारिएको बताइएको छ ।