भक्तपुर, १९ बैशाख २०७९स्थानीय तहको निर्वाचनका लागि भक्तपुर जिल्लाको मतपत्र छपाई कार्य शुरु भएको छ । आज सोमबार बाट भक्तपुर जिल्लाका ४ नगरपालिकाका लागि मतपत्र छपाई कार्य शुरु भएको हो ।
निर्वाचन आयोगका अनुसार यस अघि ७६ जिल्लाका लागि मतपत्र छाप्ने कार्य सम्पन्न भइसकेको छ । भक्तपुरको मतपत्र छापिए संगै सबै जिल्लाका लागि मतपत्र छाप्ने कार्य सम्पन्न हुने बताइएको छ ।निर्वाचन आयोगले देशका ६ महानगरपालिका र भक्तपुर जिल्लाका ४ नगरपालिका गरि १० स्थानीय तहका लागि मात्र उम्मेदवारको संख्याका आधारमा मत पत्र डिजाइन गरी छाप्ने घोषणा गरेको थियो । सोही बमोजिम भक्तपुरको मतपत्र छपाइ अन्तिममा भएको आयोगको भनाइ छ ।
आयोगले वैशाख ३० गतेका लागि तय भएको स्थानीय निर्वाचनका लागि भक्तपुरको सानोठिमीस्थित जनक शिक्षा सामग्री केन्द्र लिमिटेमा मतपत्र छपाई कार्य गर्दै आएको छ । छापिएका मतपत्र ५० बढी जिल्लामा ढुवानी समेत गरिसकिएको आयोग जानकारी गराएको छ । ६ महानगरपालिका र भक्तपुर जिल्लाबाहेकका लागि १ करोड ४५ लाख ८० हजार मतपत्र छापिएको आयोगका प्रवक्ता शालिकराम पराजुलीले जनाएका छन् ।