भक्तपुर, ६ जेठ २०७९भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति दुवै अपुग रहेको बताएका छन् । निर्वाचन आयोगको उदासिनता रहिराखे निर्वाचनमा खट्ने कर्मचारी नै नपाइने हुनसक्ने उनले गुनासो समेत गरे ।
शुक्रवार भक्तपुर नगरपालिकामा जनप्रतिनिधिको सपथ ग्रहण कार्यक्रमलाई सम्बोधन गर्दै न्यायाधिश बास्तोलाले मतदान स्थलमै मतगणना गर्नुपर्ने आवश्यकता समेत औल्याए । मतदानस्थलमा पर्याप्त कर्मचारी र सुरक्षाकर्मी रहने भएकाले त्यहीँ नै गणना गर्न सकिने उनको भनाइ छ । उनले राज्यको खर्च घट्ने र गणना पनि छिटो हुने भन्दै त्यसको लागि पहल गर्न नेमकिपाका सचिव एवं संघीय सांसद प्रेम सुवाल समक्ष आग्रह समेत गरेका छन् ।
मूख्य निर्वाचन अधिकृत बास्तोलाले नगरभित्रका आधा दर्जन मतदान केन्द्र फेर्नुपर्ने अवस्थामा रहेकाले आवश्यक पहल गर्न समेत सुझाव दिए ।