भक्तपुरपोस्ट संवाददाता भक्तपुर, १५ जेठ २०७९
भक्तपुर, १५ जेठ २०७९सरकारले किसान हुनुमा गर्व र आत्मसम्मान जगाउन किसानसँग सरकार कार्यक्रम सार्वजनिक गरेको छ । सो अन्तर्गत अर्थमन्त्री जनार्दन शर्माले किसान पेन्सनको शुरुवात गर्न बजेट व्यवस्था गरेका छन् ।
योगदानमा आधारमा किसान पेन्सन योजना सुरु गर्न किसान हित कोष स्थापना गर्दै अर्थमन्त्री शर्माले कोषका लागि बिउ पूजी १ अर्व छुट्ट्याएका छन् । किसान हित कोषमा किसानले जम्मा गर्ने रकममा सरकारले १० प्रतिसत थप गरी राखिदिने बताइएको छ ।
त्यस्तैगरी किसानलाई परिचय पत्र प्रदान गरी सोको आधारमा सार्वजनिक सेवामा सहुलियत र छुट दिने समेत सरकारले बजेटमा घोषणा गरेको छ ।