भक्तपुरपोस्ट संवाददाता भक्तपुर, १५ जेठ २०७९
भक्तपुर, १५ जेठ २०७९बजेट बक्तब्यले २ पाङ्ग्रे सावारी मोटरसाइकलको भन्सार शुल्कमा भारी वृद्धि गरेको छ । अर्थमन्त्री जनार्दन शर्माले मोटरसाइकलमा ८० प्रतिशतसम्म भन्सार शुल्क वृद्धि गर्ने घोषणा गरेका हुन् ।
२ सय सीसीभन्दा कम क्षमताको मोटरसाइकलमा भने भन्सार शुल्क वृद्धि गरिएको छैन । तर त्यो भन्दा माथिका सीसीको मोटरसाइकलमा भने भारी भन्सार लगाइएको छ ।
२ सयदेखि २ सय ५० सीसीसम्मका मोटरसाइकलमा ४० प्रतिशत भन्सार लाग्ने भएको छ भने २ सय ५१ सीसीदेखि ५ सय सीसी सम्मका मोटरसाइकलमा भन्सार शुल्क ४० प्रतिशत थप गरी ७० प्रतिशत पुर्याइएको छ ।
त्यैसैगरी ५ सय १ सीसीदेखि माथिका सबै मोटरसाइकलका लागि ८० प्रतिशत भन्सार शुल्क तिर्नुपर्ने भएको । यो शुल्क साउन १ देखि नै लागू हुनेछ ।