भक्तपुरपोस्ट संवाददाता भक्तपुर, १५ जेठ २०७९
भक्तपुर, १५ जेठ २०७९सरकारले नगरकोट क्षेत्रमा पानीपोखरी सहितको जलाधार क्षेत्र निर्माण गर्ने भएको छ । नगरकोट, दक्षीणकाली, रामकोट र गोदावरी गरी उपत्यकाका चारै दिशामा पानीपोखरी सहितको जलाधार क्षेत्र निर्माण गरिने भएको हो ।
उपत्यकामा खानेपानीको बैकल्पिक श्रोत जुटाउन बजेटमा यस्तो व्यवस्था गरिएको अर्थमन्त्री जनार्दन शर्माले जनाएका छन । उनले यस्ता जलाधारका लागि सम्भाव्यता अध्ययन थाल्न बजेटको व्यवस्था गरेका छन । यी क्षेत्रलाई बहुउपयोगी पार्क र मनोरंजन स्थलको रुपमा बिकास गरिने समेत नीति लिईएको छ ।
त्यसैगरी, शहरी खानेपानी आयोजना अन्तर्गत भक्तपुरको दधिकोट खानेपानी आयोजनालाई आगामी आर्थिक वर्ष २०७९/८० भित्र सम्पन्न गरिने घोषणा गरिएको छ । भक्तपुरको दधिकोट सहित अन्य पाँच आयोजनाका लागि ४ अर्व ४४ करोड रुपैयाँ छुट्ट्याइएको अर्थमन्त्री जनार्दन शर्माले जनाएका छन् ।