News Portal

  • भक्तपुर नगरपालिकाले नर्सिङ्ग पनि पढाउने

    भक्तपुरपोस्ट संवाददाता भक्तपुर, २४ जेठ २०७९
    ३२७५ पटक
    nemakipa narayanmanभक्तपुर, २४ जेठ २०७९

    इञ्जिनियरिङ्ग कलेज संचालन गरिरहेको भक्तपुर नगरपालिकाले नर्सिङ्ग शिक्षालय समेत संचालन गर्ने भएको छ । नगर प्रमुख सुनिल प्रजापतिले नगरपालिकाले नर्सिङ्ग पढाउन लागेको खुलासा गरेका हुन् ।

    नगरपालिका अस्पताललाई १ सय शैयाको अस्पतालमा बिस्तार गर्न अनुमति प्राप्त भएसंगै नर्सिङ्ग पढाउन बाटो खुलेको उनले बताए । नगरपालिका अस्पतालको रुपमा रहेको च्याम्हासिंहस्थित ख्वप अस्पताललाई बागमती प्रदेश सरकारको स्वास्थ्य निर्देशनालयले मंगलबार १ सय शैया संचालनको अनुमति प्रदान गरेको हो ।

    उक्त अनुमति पत्र प्राप्त गरेपछि अस्पताल संचालक समितिका अध्यक्ष समेत रहेका नगर प्रमुख सुनिल प्रजापति उत्साहित देखिएका छन् । प्राविधिक शिक्षा तथा व्यवसायिक तालिम परिषद् (सीटीइभीटी)ले १ सय शैयाको आफ्नै अस्पताल भएका शिक्षण संस्थाले मात्र पीसीएल नर्सिङको पठनपाठन गराउन पाउने निर्णय गरेको उल्लेख गर्दै उनले ख्वप अस्पताललाई १ सय शैया सञ्चालन गर्न अनुमति प्राप्त भएसंगै नगरपालिकाले नर्सिङ शिक्षा सञ्चालन गर्ने बाटो खुलेको बताए ।

    अस्पतालमा शैया बिस्तारको अनुमतिले नगरपालिकालाई एकातर्फ अधिकत्तम जनतालाई स्वास्थ्य सेवा प्रवाह गर्न सहज हुने भएको छ भने अर्कोतर्फ विद्यार्थीलाई नर्सिङ्ग शिक्षा दिएर धेरै नर्सहरु उत्पादन गर्ने अवसर प्राप्त भएको बताइएको छ । भक्तपुर नगरपालिकाले स्वास्थ्य सेवा अन्तर्गत घरदैलो नर्सिङ सेवा संचालन गर्दै आएको छ । अब नर्सिङ्ग शिक्षामार्फत घरघरमा नर्स उत्पादन गरिने र यसले जनस्वास्थ्यमा समेत सकारात्मक प्रभाव पार्ने विश्वास ब्यक्त गरिएको छ ।

    बागमती प्रदेश सरकारको स्वास्थ्य निर्देशनालयका अनुगमनकर्ताहरुले गत माघमा भक्तपुर नगरपालिकाद्वारा सञ्चालित ख्वप अस्पतालको स्थलगत अनुगमन गरेका थिए । वरिष्ठ स्वास्थ्य प्रशासक डा. नरेन्द्रकुमार झाको नेतृत्वमा आएको अनुगमन टोलीले नगर अस्पतालको अनुगमन सम्पन्न गरी शिक्षा, स्वास्थ्य तथा विकासका गतिविधिहरूमा अन्य स्थानीय तहले भक्तपुरबाट सिक्नुपर्ने समेत बताएका थिए । १ सय शैया संचालनको अनुमति प्राप्त गरेपछि अस्पताल परिवार दंग देखिएको छ ।

    नगरपालिका द्वारा संचालित ख्वप: अस्पतालले बिरामीहरूलाई २४ सै घण्टा इमर्जेन्सी सेवा, ल्याब, एक्स रे र फार्मेसी सेवा, स्त्री रोग, जनरल सर्जरी, बाल रोग, हाडजोर्नीलगायतका सेवाहरू नियमित सञ्चालनमा ल्याएको छ । स्वास्थ्य सेवालाई सुलभ र सरल बनाइ जनताको पहुँचमा पुर्याउन अस्पताल क्रियाशील रहेको छ ।

    अपडेट : नगरपालिकाले ख्वप बहुप्राविधिक अध्ययन सस्थानमा हरेक वर्ष ४० जनालाई नर्सिङ्ग पढाउन पाउने अनुमति पाएको भएपनि आफ्नै १ सय शैयाको अस्पताल हुनुपर्ने प्रावधानका कारण गत वर्ष विद्यार्थी भर्ना लिन पाएको थिएन । अध्ययन सस्थानका प्राचार्य डा रत्नसुन्दर लासिवाले जनाए अनुसार आफ्नै १ सय शैयाको अस्पताल भए संगै यो वर्ष विद्यार्थी भर्ना गरी नर्सिङ्ग पढाईलाई पुन: निरन्तरता दिइने तयारी गरिएको छ ।

    प्रतिकृया दिनुहोस्

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...

    शिशु निकेतन स्कूलकी छात्रा होस्टेलमै मृत फेला

    चितवनको रत्ननगर नगरपालिका–१० स्थित एकता शिशु निकेतन बोर्डिङ स्कुलको होस्टलमा एक छात्रा मृत फेला परेकी...

    चाँगुनारायणमा घरफोडी दिनदहाडै चोरी, २ युवक पक्राउ

    भक्तपुरको चाँगुनारायण नगरपालिका वडा नं. ३ मा कोही नभएको मौका पारी दिनदहाडै चोरी गर्ने २...