भक्तपुरपोस्ट संवाददाताचाँगुनारायण, २७ जेठ २०७९
चाँगुनारायण, २७ जेठ २०७९चाँगुनारायण नगरपालिकाका उपप्रमुख रमेश बुढाथोकीले नगरपालिकाबाट प्राप्त गाडी सुविधा चाँगुनारायण अस्पताललाई प्रदान गरेका छन् । अफ्नो चुनावी घोषणा पालना गर्दै नव निर्वाचित उपप्रमुख बुढाथोकीले नगरपालिकाबाट प्राप्त गाडी नगर अस्पताललाई प्रदान गरेका हुन् ।
बुढाथोकीले नगरपालिकाको उप प्रमुखको हैसियतमा प्राप्त बा२झ १६२३ नम्बरको जीप शुक्रवार एक कार्यक्रमका बीच चाँगुनारायण नगर अस्पतालका प्रमुख लोकेन्द्र पौडेललाई हस्तान्तरण गरेका छन् । नगरका जेष्ठ नागरिक, अपाङ्गता भएका र असक्त बिरामी त्यसैगरी दिर्घ रोगीहरुका लागि घरदैलो चिकित्सकिय सेवा प्रदान गर्ने हेतुले अस्पताललाई जीप हस्तान्तरण गरिएको उनले बताए ।
उपप्रमुख बुढाथोकीको आफ्नै निजी गाडी छ । त्यसैलाई उनले कामकाजका लागि प्रयोग गर्दै आएका छन् ।