भक्तपुर, २७ जेठ २०७९प्रमुख प्रतिपक्षी दल नेकपा(एमाले)का पोलिटब्युरो सदस्य समेत रहेका भक्तपुरबाट निर्वाचित संघीय सांसद महेश बस्नेतले बजेटबारे असन्तुष्टी व्यक्त गरेका छन् । उनले भौतिक तथा अर्थमन्त्रीको भक्तपुरसँग झगडा परेको जस्तै देखिएको दावी गरेका हुन् ।
शुक्रबार प्रतिनिधिसभाको बैठकको शुन्य समयमा बोल्दै सांसद बस्नेतले प्रश्न गरे, ‘हनुमन्ते, मनोहरा करिडोरको २ अर्व कता हरायो ? वीर अस्पताल र क्यान्सर सेन्टरको २ अर्व बजेट कता हरायो ? ४० करोड छुट्टीएको गोदावरी रानीकोट सडकमा ७ लाखमात्र बजेट छुट्याएको प्रति पनि उनले चिन्ता व्यक्त गरे । ६ करोड, ४ करोड तथा २ करोड बजेट भएकोमा अहिले लाखमात्र बजेट छुट्याइएको उनको दावी छ ।
विगतमा समयले विकास ल्याएको हो भन्ने कांग्रेसका जिल्ला नेताहरु अहिले कुन दुलोभित्र लुकेर बस्ने हुन भन्दै उनले व्यंग्य समेत गरे । ‘सरकारले विकासको काम गर्ने र जनतालाई राहत दिने कुनै लक्षण देखिँदैन ।’उनले दावी गरे । यो वर्षको बजेट सिमित नेता र प्रधामन्त्रीको घरमा मात्र गएको उनको आरोप छ । जनताले फेरि पनि एमालेको सरकारलाई मिस गरिरहेको र केपी ओलीलाई मिस गरिरहेको उनको भनाइ छ ।