भक्तपुरपोष्ट संवाददाताभक्तपुर, ३ असार २०७९
भक्तपुर, ३ असार २०७९ मकीपक्सको आशंका गरिएको एक युवकमा कुष्ट रोगको पुष्टि भएको छ । मकीपक्सको आशंका गरि शुक्रराज ट्रपिकल तथा सरुवा रोग अस्पताल (टेकु) अस्पतालमा लगिएको २६ वर्षिय एक युवकमा कुष्ट रोग लागेको बताइएको छ ।
आज स्वास्थ्य मन्त्रालयले विज्ञप्ति जारी गरी राष्ट्रिय जनस्वास्थ्य प्रयोगशालाको विज्ञ टोलीबाट जाँच गर्दा उक्त व्यक्तिमा कुष्ट रोगको पुष्टि भएको जनाएको हो ।
विभिन्न ६ ठाउँबाट स्लिट स्किन स्मियर जाँच गर्दा आँखा र कानको ३ वटा नमुनामा कुष्ट रोगको जीवाणु भेटिएको हुँदा २६ वर्षको उक्त पुरुषमा कुष्ट रोग पुष्टि भएको विज्ञप्तिमा उल्लेख गरिएको छ ।
