भक्तपुर, १० असार २०७९नेपाल औषधि ब्यवसायी संघ भक्तपुरले जेष्ठ नागरिकका लागि मिष्ठान्न भोजन गराएको छ । सिद्धि स्मृति शालिग्राम आश्रममा रहेका जेष्ठ नागरिकलाई शुक्रबार मिष्ठान्न भोजन गराइएको हो । ४९ औं स्थापना दिवसको अवसर पारेर उनीहरुलाई भोजन गराइएको औषधि ब्यवसायी संघ भक्तपुर शाखाका सल्लाहकार एवं अभियन्ता कपिल कस्पालले जानकारी दिए । आश्रममा आश्रय लिइरहेका करिब ५० जना जेष्ठ नागरिक मिस्ठान्न भोजन पाएर दङ्ग देखिएका थिए ।
आश्रमका सस्थापक अध्यक्ष श्यामसुन्दर धौभडेलले औषधि ब्यवसायीको सामाजिक कार्यप्रति सन्तोष ब्यक्त गर्दै जेष्ठ नागरिकको लागि सोच्ने समाजको सधै प्रगति हुने तर्क गरे । औषधि ब्यवसायी संघका अध्यक्ष नारायण प्रसाद भुसालको नेतृत्वमा सम्पन्न कार्यक्रममा उपाध्यक्ष राजकुमार बुढाथोकी, महासचिब बिनोद कुमार सापकोटा, कोषाध्यक्ष दिपा बस्नेत ,सदस्य सान लामा, काठमाडौं का अध्यक्ष बद्री प्रसाद श्रेष्ठ, बागमती प्रदेश उपाध्यक्ष कृष्ण प्रसाद पान्डे त्यसैगरी सल्लाहकारहरु कपिल कसपाल,दिल कुमार सुवाल र संगम खाइतु लगायतको उपस्थिति रहेको थियो ।