News Portal

  • बिजुक्छें निवास पुग्यो पत्रकार महासंघ

    भक्तपुरपोस्ट संवाददाताभक्तपुर, १३ असार२०७९
    २०२३ पटक
    भक्तपुर, १३ असार२०७९

    नेपाल पत्रकार महासंघ जिल्ला शाखा भक्तपुर नेमकिपाका अध्यक्ष, संविधान सभा सदस्य, पूर्व सांसद एवं वरिष्ठ बामपन्थी नेता नारायणमान बिजुक्छेंको निवासमा पुगेको छ । पत्नी वियोगमा रहेका नेता बिजुक्छें र परिवारजनमा समवेदना प्रकट गर्न महासंघ बिजुक्छें निवास पुगेको हो ।

    सोमबार कमलविनायकस्थित बिजुक्छें निवास पुगेको महासंघको टोलीले अध्यक्ष बिजुक्छेंको जीवन संगिनी शोभा प्रधानप्रति श्रद्धान्जली अर्पण गर्दै उनको निधनले अध्यक्ष बिजुक्छेले आफ्नो जीवनसाथी र भक्तपुरले एक कर्मठ शिक्षासेवी गुमाउनुपरेको बताएको थियो । शाखाका कार्यवाहक अध्यक्ष सुन्दर सिल्पकारको नेतृत्वमा पुगेको उक्त टोलीले प्रधानको निधनले शोकमा रहेका नेता बिजुक्छें, परिवारजन, पार्टी पङ्ति र भक्तपुरवासी सबैमा धैर्यधारण गर्ने सामर्थ्य प्राप्त होस् भनी कामना र समवेदना सहित श्रद्धान्जली पत्र समेत हस्तान्तरण गरेको सहसचिव हेमराज ढकालले बताए ।

    शोक सभामा नेमकिपाका अध्यक्ष एवं वरिष्ठ बामपन्थी नेता बिजुक्छेंले आफ्नो परिवारको पिडामा महासंघ मल्हम लगाउन आएको प्रति आभार प्रकट गर्दै धन्यवाद ज्ञापन गरेका थिए । उक्त क्षणमा नेमकिपाका जिल्ला अध्यक्ष एवं बागमती प्रदेश सांसद शुरेन्द्रराज गोसाई  र परिवारजनको समेत उपस्थिति रहेको थियो ।

    लामो समयदेखि क्यान्सर रोगले ग्रसित बिजुक्छें पत्नी प्रधानको ६२ वर्षको उमेरमा गत ८ गते निधन भएको हो । २०४० सालमा अध्यक्ष बिजुक्छें संग बिबाह गरेकी प्रधानले अध्यक्ष बिजुक्छेंको राजनीतिक संघर्षपूर्ण जीवनको साक्षी र सहयोगी बन्दै जीवन बिताएकी थिइन् । विद्यालय शिक्षक रहेर शिक्षा सेवा गरेकी प्रधानले पार्टीको बिभिन्न भूमिकामा रही राजनीतिमा समेत सक्रियतापूर्वक सहभागिता जनाएकी थिइन् । गत शुक्रवार उनको अन्येष्टिमा हजारौ सर्वसाधारण सहभागी भई उनको पार्थिव शरीरलाई अन्तिम बिदाइ गरेका थिए ।

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...