News Portal

  • अनेसासको अध्यक्षमा गोवर्द्धन पूजाको उम्मेद्वारी

    इभक्तपुर संवाददाता
    ३७० पटक

    १४ असार, काठमाडौं । अन्तर्राष्ट्रिय नेपाली साहित्य समाजको केन्द्रीय समितिको निर्वाचनका लागि साहित्यकार गोवर्द्धन पूजाले अध्यक्षको पदमा उम्मेद्वारी दर्ता गराएका छन् ।

    विगत १२ बर्षदेखि अमेरिकाको बोस्टनलाई आफ्नो कर्मथलो बनाएका पूजाले यसअघि दुई कार्यकाल महासचिवको सफल कार्यकाल पूरा गरिसकेर हाल वरिष्ठ उपाध्यक्षको जिम्मेवारी सम्हाली रहेका छन्।

    विशेषतः कविताका क्षेत्रमा चर्चित पूजाका पीडा अवतार, अनामनगरकी अम्बिका, प्रेम अवतार, वाचाल ओठहरूलगायतका कविता कृतिसहित एकदर्जन साहित्यिक कृति प्रकाशित छन् ।

    नेपालमा छँदै नेपाल सरकारले ४० बर्षभन्दा मुनिका युवालाई दिने मोति पुरस्कारबाट सम्मानित भइसकेका पूजाले नारायणी वाङ्मय पुरस्कार, भानुमोति पुरस्कार, भानुभक्त लेखन पुरस्कार, भानुभक्त द्वशर्वार्षिकी स्वर्ण पदक, नेपाल प्रज्ञाप्रतिष्ठाको कविता महोत्सवमा पुरस्कृत भएसँगै दुई दर्जन साहित्यिक पुरस्कार र सम्मानबाट सम्मानित भइसकेका छन् ।
    गजलमञ्चको संस्थापक अध्यक्ष, हिमालयन लायन्स क्लव बोस्टनको अध्यक्षसमेत रहेका पूजाले सांगठानिक क्षेत्रमा समेत कुशल नेतृत्वकर्ताका रूपमा परिचय बनाएका छन् ।

    नेपालमा रहदा अन्नपूर्ण पोस्ट दैनिकमा वरिष्ठ उपसम्पादक, मैत्री एफएमको कार्यक्रम प्रस्तोता र विभिन्न कलेजमा नेपाली साहित्यको प्राध्यापन गरेको लामो अनुभव बटुलेका पूजा भूगोल र नेपाली साहित्य गरि दुई विषयमा मास्टर्स गरेका छन् ।

    अनेसासमा सक्रिए भएका कारण यो साता मात्र अनेसास कोरिया च्याप्टरबाट सक्रियता पुरस्कार र नइ रजतमहोत्सव पदकसमेत प्राप्त गरेका पूजाले अनेसासलाई ‘अनेसास” नै बनाउने उदेश्यका साथ सबैलाई समेटेर आफूले दुई बर्षकोलागि नेतृत्व लिन तयार भएको बताएका छन् ।
    जुलाईको ९ र १० मा विधुतीय माध्यमबाट हुने निर्वाचन अनेसासका २३८१ मतदाताले मतदान गर्ने छन् ।

    यी हुन् गोवर्द्धन पूजाको प्रतिवद्दता
    १. आजीवन सदस्यलाई आजीवन सदस्यताको परिचय पत्र र अनेसासको पिन समर्पण गरिनेछ ।
    २. साहित्यिक अनलाईन पत्रिका अनेसास दर्पणको प्रकाशन गरेर अनेसासका गतिविधि र साहित्यक रचनाको नियमित प्रकाशन गरिनेछ ।
    ३. अनेसास केन्द्रीय कार्यसमितिको मासिक बैठकलाई अनलाइन मार्फत प्रत्यक्ष प्रशारण गरिने छ ।
    ४. अनेसास भवन खरिदकोलागि रकम संकलन समूह गठन गरि भवन खरिद र ब्यबस्थापनको लागि काम गरिने छ।
    ५. अनेसासका अजीवन सदस्यहरूको कृतिलाई सम्पर्क सचिवालयमार्फत वितरणको व्यवस्था गरिनेछ ।
    ६. अनलाईन साहित्यक प्रशिक्षणको ब्यवस्था गरि साहित्य लेखन प्रशिक्षण मार्फत स्तरीय साहित्यिक लेखनका लागि अभियान चलाइने छ ।
    ७. क्षेत्रिय समिति गठन गरि भूगोलका कुनाकुनासम्म अनेसासको गतिविधिलाई विस्तार गरिने छ ।
    ८. नेपाली साहित्यलाई विश्व साहित्यमाझ परिचित गराउन अनुवाद र प्रकाशन, भाषिक सभा-सम्मेनन र गोष्ठी गरिने छ ।
    ९. अनेसासका पूर्व नेतृत्वदायी भूमिका निर्वाह गरेका व्यक्तित्वहरूलाई सम्मान र पुरस्कृत गरिने छ ।
    १०.बाल कार्यक्रम तथा प्रतियोगिता, महिला साहित्यिक गोष्ठी तथा प्रतियोगीता , अन्तर्राष्ट्रिय सभा सम्मेलन, साहित्यिक उत्सव गरिने छ ।
    ११. विधागत अनुवाद कृति प्रकाशित गरिने छ ।
    १२ . पाँचै महादेशका सर्जकहरुको प्रतिनिधि सिर्जनाहरूलाई समेटेर संयुक्त कृति प्रकाशित गरिने छ ।
    १३. महिला सशक्तिकरण सम्बन्धि गोष्ठी र कृति प्रकाशन गरिने छ ।
    १४.आजीवन सदस्यहरूको परिचय पुस्तिका प्रकाशन गरिने छ ।
    १५.विगतका कार्यसमितिले गरेका राम्रा कार्यक्रमलाई निरन्तरता दिइने छ ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...