भक्तपुर, १४ असार २०७९भक्तपुरमा एक महिलालाई बलात्कार गरेको आरोपमा युवक पक्राउ परेका छन् । २० वर्षिया युवतीको बलात्कार आरोपमा २५ वर्षीय युवक पक्राउ परेका हुन् ।
सूर्यविनायक नगरपालिका–९ बासघारीस्थित रुगोसा रिसोर्टमा महिलामाथि जबर्जस्ती करणी भएको सूचना पाएपछि पुगेको प्रहरीले युवकलाई पक्राउ गरेको जिल्ला प्रहरी परिसर भक्तपुरका सूचना अधिकारी एवं डिएसपी राजु पाण्डेले पुष्टि गरेका छन् ।
मंगलवार बिहान पक्राउ परेका युवक सूर्यविनायक २ निवासी भएका बताइएको छ। घटनाको प्रारम्भिक अनुसन्धान भैरहेको प्रहरीको भनाइ छ । विस्तृत विवरण आउन बाँकी छ ।
अपडेट : जिल्ला प्रहरी वृत्त जगातीको नियन्त्रणमा रहेका युवकमाथि जबर्जस्ती करणीको मुद्दा चलाउने तयारी गरिएको छ । रिसोर्टमा संगै रहेकी युवतीले किटानी जाहेरी दिएपछि उनीमाथि थप अनुसन्धान र मुद्दाको तयारीमाप्रहरी लागेको वृत्त श्रोतले बताएको छ । उजुरीमा युवकले पटकपटक जबर्जस्ती करणी गरेको अभियोग लगाइएको छ ।