भक्तपुरमा वर्षाको कारण पर्खाल भत्किदा सोही बाटो हिडिरहेकी एक जेष्ठ नागरिकको ज्यान गएको छ । साँझ करिब पाँच बजेको समयमा उक्त दुर्घटना भएको हो ।

ज्यान गुमाउनेमा ६६ वर्षिया नारायण देवी थापा रहेकी छन् । भक्तपुरको सूर्यविनायक नगरपालिका वडा नं १० चित्तापोल लाकुली स्थित
कान्छा श्रेष्ठको घरआँगनमा लगाइएको १२ फिटे अग्लो कच्ची पर्खाल वर्षाको कारण भत्कदा उक्त बाटो हिडिरहेकी स्थानीय थापाको ज्यान गएको जिल्ला प्रहरी परिसर भक्तपुरका डिएसपी राजु पाण्डेले पुष्टि गरेका हुन् ।

बाटोमा हिडिरहेकी थापालाई पर्खालले पुरिदिएको र उनको घटनास्थलमा नै मृत्यु भएको प्रहरीको भनाइ छ । घटना
सम्बन्धमा प्रहरी वृत्त जगातीबाट आवश्यक अनुसन्धान भइरहेको भनिएको छ ।