भक्तपुर, असार १६ २०७९मानव कल्याण समाजलाई स्वास्थ्य कार्यालय भक्तपुरले सहयोग गरेको छ । विहिबार मानव कल्याण समाजको सेवाघर झौखेलमा आयोजित जेष्ठ, असहाय नागरिकको स्वास्थ्य जाँच, स्वास्थ्य बीमा र स्वास्थ्य सामाग्री वितरण कार्यक्रम सम्पन्न भएको छ । कार्यालयले संस्थालाई रु १ लाख बराबर स्वास्थ्य उपकरण त्येहाँ रहेको मानसिक रोगका बिरामीहरुलाई करिब २ महिना पुग्ने गरि रु ८० हजार बराबरको औषधी सहयोग गरेको छ । सेवाघरमा रहेका ५० जनालाईरु ३५ हजारको स्वास्थ्य बीमा गर्न कार्यालयले सहयोग गरेको स्वास्थ्य कार्यालय भक्तपुरकी अस्मिता ढुंगानाले जानकारी दिएका छन् ।
स्वास्थ्य कार्यालय भक्तपुरका निमित्त कार्यालयका प्रमुख शान्तिराम खतिवडाले सेवा गर्दै आइरहेको जनचेतना सम्बन्धी कार्यक्रम यो वर्ष मानव कल्याणमा गरिएको बताएका छन् । कार्यक्रममा उनले भने “यहाँ रहेका जेष्ठ नागरिक र असहायहबालबालिकाहरुको सामान्य उपचार गर्न सजिलो होस् भनेर सानो उपचार कक्ष समेत बनाइदिएको जानकारी दिएका छन् ।
कार्यक्रममा सूर्यविनायक नगरपालिका नगर अस्पतालकी संयोजक डा मनिषा कार्कीले आफुले विगतमा पनि यस संस्थालाई सहयोग गर्दै आएको र भविष्यमा पनि गर्ने बताइन साथै कार्यालयका सम्पूर्ण कर्मचारीहरुले खाजा खर्च वापतको रकम रु १० हजार समेत संस्थाकी अध्यक्ष सुमित्रा चौलागाईलाई हस्तान्तरण गरेकी छन् ।
कार्यक्रममा संचारकर्मी पुष्करराज बुढाथोकी, जीवन विज्ञानका उमेशचन्द्र धौभडेललगायतले सबैले मिलेर यस्ता संस्थालाई सहयोग गर्नुपर्ने बताए । कार्यक्रममा स्वास्थ्य कार्यालयको कर्मचारी, सेवाघरमा रहेका जेष्ठ नागरिकहरुको उपस्थिती रहेको थियो ।