नेपाली कांग्रेस भक्तपुरकी उप सभापति उर्मिला बनले कार्यवाहक सभापतिको जिम्मेवारी पाएकी छन् । सभापति दुर्लभ थापाले बनलाई उक्त जिम्मेवारी दिएका हुन् ।                                                                                          गैरआवासीय नेपाली महासंघ अमेरिकाको निमन्त्रणामा ‘नलेज कन्भेन्सन’ मा सहभागी हुन अमेरिका जानु अघि सभापति थापाले आफ्नो अधिकार उप सभापति बनलाई प्रत्यायोजन गरेका सचिव सुशील बस्नेतले बताए । सभापति थापा आइतबार अमेरिकाको क्यारोलिना राज्यमा रहेका छन् । करिब एक साता उनी उतै रहने कार्यतालिका रहेको छ ।                                                                                                            सभापति थापा बिदेशमा रहेसम्मको समयका लागि उप सभापति बनले कार्यवाहकको जिम्मेवारी पाएकी बताइएको छ । भक्तपुर कांग्रेसको इतिहासमा महिला नेतृले सभापतिको जिम्मेवारी पाएको यो नै पहिलोपटक हो ।