२०७९ असार २१लामो समयदेखि साहित्य र अनेसासमा आफूलाई समर्पित गर्दै आएका तीन हस्तीः अध्यक्षका उम्मेद्वार गोवर्धन पूजा, वरिष्ठ उपाध्यक्षका उम्मेद्वार लालगोपाल सुवेदी र महासचिवका उम्मेद्वार विमला निरौला अनेसास निर्वाचन २०२२ मार्फत केन्द्रीय कार्यसमितिमा आए अनेसासको श्रीवृद्धिमा थप योगदान गर्ने विश्वास लिइएको छ ।
आगामी अनेसास निर्वाचन २०२२-२०२४ का लागि उम्मेदवारी दिएका गोवर्धन पूजा निवर्तमान वरिष्ठ उपाध्यक्ष हुन् भने विमला निरौला निवर्तमान सचिव हुन् । त्यसैगरी लालगोपाल सुवेदी गत २०१८-२०२० का लागि भएको निर्वाचनमा वरिष्ठ उपाध्यक्षका उपविजेता हुन् ।
अध्यक्षका उम्मेद्वार गोवर्धन पूजाका पीडा अवतार, अनामनगरकी अम्बिकालगायत थुप्रै कृति प्रकाशित भइसकेका छन् भने महासचिवका उम्मेद्वार विगत लामो समयदेखि बालसाहित्यका क्षेत्रमा ख्याति कमाएकी लेखिका हुन् । उनका हालमात्र काव्यपराग र ओथारो बसेका सपना कृति प्रकाशित भएको छ भने विगतमा थुप्रै कृति प्रकाशन भइसकेका छन् । त्यसैगरी वरिष्ठ उपाध्यक्षका उम्मेद्वार लालगोपाल सुवेदीले विभिन्न साहित्यिक पुरस्कार प्राप्त गरिसकेका छन् ।
कुशल र चतुर संगठनकर्ता एवं नेतृत्वदायी क्षमता भएका अध्यक्ष उम्मेद्वार गोवद्र्धन पूजा, प्राज्ञिक व्यक्तित्वका रुपमा परिचित वरिष्ठ उपाध्यक्षका उम्मेदवार लालगोपाल सुवेदी र शालीन, मृदुभाषी स्वभावकी साहित्यिक एवं सांगठानिक क्षमता प्रदर्शनकी खुबी भएकी महासचिव उम्मेद्वार विमला निरौलाजस्ता व्यक्तित्वको जीत भएको खण्डमा आजको अनेसास हाम्रो अनेसास हुने विश्वास आम आजीवन सदस्यहरुको रहेको छ ।
