भक्तपुरपोस्ट संवाददातासूर्यविनायक, २७ असार २०७९
सूर्यविनायक, २७ असार २०७९नेपाली काँग्रेस सूर्यर्यबिनायक नगर परिषद भदौ १७ र १८ गते गर्ने निर्णय गरिएको छ । आइतबार बसेको नगर कार्य समितिको बैठकले परिषद बैठकबारे निर्णय गरेको हो । कार्यवाहक सभापति रमण कायस्थको सभापतित्वमा बसेको बैठकले भदौ १७ र १८ गते नगर परिषद बस्ने निर्णय गरेको प्रवक्ता रमेश खड्काले जनाएका हुन् । शारीरिक अस्वस्थताका कारण नगर सभापति निसान ढुङ्गेल बैठकमा उपस्थित हुन नसकेपछि कार्यवाहक जिम्मेवारी पाएका कायस्थको सभापतित्वमा बैठक बसेको हो । 
बैठकले नगर सभापति ढुङ्गेलको स्वास्थ्य लाभको कामना गर्नुका साथै जिल्ला सभापति दुर्लभ थापाको अमेरिका भ्रमणको समेत सफलताको कामना गरेको प्रवक्ता रमेश खड्काले जानकारी दिए ।