भक्तपुरमा १६ वर्षीया एक किशोरी बलात्कार गरेको आरोपमा प्रहरीले एक युवकलाई पक्राउ गरेको छ। किशोरीलाई सूर्यविनायक नगरपालिका १० चित्तापोलस्थित पिसफुल रिसोर्टमा बलात्कार गरेको अभियोगमा युवक पक्राउ परेका हुन् ।

युवतीले आफूमाथि आइतबार बलात्कार भएको प्रहरीलाई बताएसँगै प्रहरीले युवकको खोजी कार्य अघि बढाएको थियो। आरोपी २७ वर्षका युवकलाई चाँगुनारायण ९ ताथलीबाट प्रहरीले पक्राउ गरेको डिएसपी राजु पाण्डेले पुष्टि गरेका छन् । प्रहरी वृत्त जगातीबाट खटिएको प्रहरीले उनलाई पक्राउ गरेको बताइएको छ ।

घटनाबारे थप अनुसन्धान भइरहेको प्रहरीको भनाइ छ।