भक्तपुर,२ भदौ २०७९विगत २६ बर्षदेखी अनवरत रुपमा भक्तपुरको शिक्षा क्षेत्रमा योगदान गर्दै आएको भनपा-१ सल्लाघारीस्थित अक्सफोर्ड प्राक्टिलल स्कूलमा यो वर्षंंबाट कक्षा ११ को पढाई शुरु भएको छ । १०+२ अन्तर्गत कक्षा ११ को व्यवस्थापन संकायमा उत्साहजनक विद्यार्थीहरुको सहभागीतासहित कक्षा शुरु भएको हो । बुधबार कक्षा ११ मा भर्ना भएका विद्यार्थीहरुलाई विषयगत जानकारी, परिचयात्मक एवम अभिमुखिकरण कार्यक्रम समेत सम्पन्न गरिएको शैक्षिक कार्यक्रम संयोजक निराजन सिलवालले बताएका छन् । विद्यालयका अध्यक्ष राम दुवालको सभापतित्वमा सम्पन्न सो कार्यक्रममा सुवालले अक्सफोर्डले यहाँसम्म आइपुग्न गरेको शैक्षिक योगदानबारे बताउदै भावी योजना समेत सुनाएका थिए । आफ्नो विद्यालयका विभिन्न क्षेत्रमा छरिएका सफल र प्रेरणादायी विद्यार्थीहरुले प्राप्त गरेका सफलताले सबै विद्यार्थीहरुलाई मार्गनिर्देशन गर्ने समेत उनले विश्वास ब्यक्त गरे । युएनवाइएसएनका अध्यक्ष , संचारकर्मी र द युथ टाइम्सका सम्पादक मदन राईको प्रमुख आतिथ्यता रहेको उक्त कार्यक्रममा विद्यार्थीहरुलाई कक्षा ११ को विषयगत परिचय , प्रेरणात्मक तथा जीवनवृती बारे अभिमुखिकरण गरिएको छ ।
विद्यालयका शिक्षक शिव भुजुले विद्यार्थीहरुलाई स्वागत गर्दै अक्स्फोर्ड उनीहरुको लागि एक उत्तम अवसर भएको भनेका थिए । आजको यस प्रतिस्पर्धात्मक युगमा विद्यार्थीहरुले बिना संकोच प्रश्न गर्ने बानीले थप सिर्जनात्मक एवम क्रीयाशील बन्न मद्द्त गने बताउदै प्रमुख अतिथी राइले विद्यार्थीलाई जिज्ञासु बन्न प्रेरित गरेका थिए ।
साथै विषयगत शिक्षक तथा विद्यार्थी परिचयात्मक कार्यक्रम समेत रहेको उक्त कार्यक्रममा विद्यालयले दिने सैद्धान्तिक र प्रयोगात्मक शिक्षण सिकाइका बारेमा विद्यार्थीहरुलाई अवगत गराइएको थियो ।