भक्तपुरपोष्ट संवाददाताभक्तपुर,२ भदौ २०७९
भक्तपुर,२ भदौ २०७९नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका छन् । बिहीबार प्रतिनिधिसभामा राष्ट्रपतिले फिर्ता पठाएको नागरिकता विधेयकमाथिको छलफलमा सहभागी हुँदै उनले नेपालमा पनि लेन्डुप दोर्जेहरुको जन्म हुने बताए ।
सांसद सुवालले लेन्डुप दोर्जेको विरोध नगर्नेहरु संसारको कुनै कुनामा नहोलान् भन्दै नेपालीले पनि लेन्डुप दोर्जे देशघाती भनेर धेरै विरोध गरेको बताए । नागरिकता विधेयक पास गरेर फिर्ता आएको र फेरि पास गरेमा एक दुईवटा निर्वाचनपछि सांसदहरु नेपाली लेण्डुप दोर्जे बन्ने उल्लेख गरे ।
उनले सच्चा नेपालीले नागरिकता पाउनुपर्ने बताउँदै कुनैपनि निहुँमा विदेशीलाई नागरिकता दिनु घात हुने उल्लेख गरे ।