भक्तपुर, ६ भदौ २०७९बाल यौन दुरुपयोग अपराधमा अदालतले सजाय हुने फैसला गरेपछि फरार हरिकृष्ण कोजु पक्राउ परेका छन । उनलाई प्रहरीले पक्राउ गरी सोमबार जिल्ला अदालतमा पेश गरेको हो ।
भक्तपुरको सूर्यविनायक नगरपालिका वडा नं. ७ का ५१ बर्षिय कोजुलाई जिल्ला प्रहरी परिसर भक्तपुरबाट खटिएको प्रहरी टोलीले गुण्डुबाट सोमबार नियन्त्रणमा लिएको बताइएको छ । सोमबार नै जिल्ला अदालतले कोजुलाई फैसला कार्वान्वयनका लागि जगन्ननाथ देवल कारागार चलान गरिदिएको जिल्ला प्रहरी परिसर भक्तपुरका सूचना अधिकारी एवं डिएसपी राजु पाण्डेले जानकारी दिए ।
पक्राउ पर्ने हरिकृष्ण कोजु शिक्षक हुन् । उनीमाथि गुण्डुस्थित आफ्नै घरमा बोलाएर आफैले अध्यापन गराउने १३ बर्षकी बालिकालाई यौन दुराचार गरेको अभियोगमा मुद्दा दायर भएको थियो । भक्तपुर जिल्ला अदालतले बालयौन दुरुपयोग अपराधमा उनलाई ५ हजार जरिवाना र ३ महिना कैद फैसला गरेपनि उनी फरार भएका कारण फैसला कार्यान्वयन भएको थिएन ।