News Portal

  • ख्वप भक्तपुर मिनिबस यातायात प्रालिमा मनपरि, १ सय ९५ व्यवसायी आन्दोलित

    रचना बयलकोटी / भक्तपुरपोस्ट भक्तपुर, २१ भदौं २०७९
    २२२७ पटक
    bhaktapur yatayatभक्तपुर, २१ भदौं २०७९

    ख्वप भक्तपुर मिनिबस यातायात प्रालिले एकलौटी संचालक समितिको निर्वाचन प्रक्रिया थालेपछि असन्तुष्ट व्यवसायीहरु आन्दोलित बनेका छन् । आधा भन्दा बढी व्यवसायीलाई बाहिर राखेर निर्वाचन प्रक्रिया थालेपछि उनीहरु आन्दोलित बनेका हुन् ।

    ख्वप भक्तपुर मिनिबस यातायात प्रालिले १ सय ९५ जना सदस्यलाई निर्वाचनबाट बन्चित गराई १ सय १ जनाको मात्र मतदाता नामावली प्रकाशन गरेपछि बिरोधमा उत्रनु परेको यातायात व्यवसायी बद्रि कोजुले बताए । प्रालिको निरङ्कुश र स्वेच्छाचारिता बिरुद्ध संघर्षको बिकल्प नभएको उनको भनाइ छ ।

    तत्कालिन मिनिवस व्यवसायी समितिमा ३ सय बढी व्यवसायी रहेको भएपनि प्रालि बनाउदा १ सय १ जना राखेर बनाएको र उनीहरुलाई मात्र मतदाता मानी नामावली प्रकाशन गरिएको भन्दै व्यवस्थापन पक्षले आफ्नो बचाव गरिरहेको छ । आन्दोलित पक्षले भने प्रालिमा मनोमानी गर्न २५ प्रतिसत पलायन भएका व्यवसायीलाई राखिएको र उनीहरुको मतले निर्वाचित हुने दाउ खोजिएको दावी गरेको छ ।

    अहिले प्रालिले २ सय ९५ जना व्यवसायीबाट मासिक ११ हजार उठाइरहेको छ । १ सय १ जना मात्रमा अधिकार भए किन सबैसंग मासिक रकम उठाइयो भन्ने कुराले पनि आन्दोलित व्यवसायीहरु आक्रोशित बनेका छन् । कानुनको आडमा पेशागत व्यवसायमा राजनीति गर्न खोजिएको र त्यो आफूहरुलाई मान्य नहुने उनीहरुको भनाइ रहेको छ ।

    प्रालिले शनिवारका लागि तय गरेको निर्वाचनमा निर्वाचन समितिका संयोजक किरण न्यौपाने द्वारा जारी मतदाता नामावलीमा १ सय १ जना व्यवसायीको मात्र नामावली प्रकाशित गरिएको छ । त्यसमा नअटाएका थप १ सय ९५ जनाले बिरोध जनाएपछि निर्धारित निर्वाचन बिबादित र अन्योलग्रस्त बनेको छ । अहिले दुई पक्षबीच दुधपाटीस्थित कार्यालयमा वार्ता चलिरहेको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...