भक्तपुर, २१ भदौ २०७९भक्तपुरको मध्यपुर थिमि नगरपालिकाबाट सरुवा भई प्रमुख प्रशासकीय अधिकृत चुरामणी पन्थी सिन्धुपाल्चोकको बाह्रबिसे पुगेका छन् । मध्यपुरबाट रमाना लिई सोमबार बाह्रबिसे पुगेका प्रमुख प्रशासकीय अधिकृत पन्थीलाई नगर प्रमुख बालकृष्ण बस्नेतको नेतृत्वमा नगरपालिकामा भब्य स्वागत गरिएको छ ।
बाह्रबिसेमा कार्यभार सम्हाल्दै प्रमुख प्रशासकीय अधिकृत पन्थीले नगरपालिकाको समग्र बिकास र सुशासनका लागि थप योगदान गर्ने बताएका छन् । जनसेवालाई अर्जुन दृष्टि बनाएर सेवाग्राहीले अपेक्षा गरेबमोजिम छिटोछरितो र राम्रो सेवा प्रदान गर्ने उनले प्रष्ट पारेका छन् । मंगलवार नै नगरपालिकाको सय दिने उपलब्धि सार्वजनिक कार्यक्रममा समेत उनी सहभागी भएका छन् ।
मध्यपुर थिमिका प्रमुख प्रशासकीय अधिकृत विजयराज सुबेदीले पन्थीलाई एक कार्यक्रम गरि आइतबार बिदाई गरेका थिए । प्रमुख प्रशासकीय अधिकृत पन्थी भक्तपुरको सूर्यविनायक-५ का बासिन्दा हुन् । सरल स्वभाव र मिलनसार ब्यवहारका कारण उनी भक्तपुरमा स्थानीय माझ लोकप्रिय रहेका छन् ।