भक्तपुरपोष्ट संवाददाताभक्तपुर,३० भदौ २०७९
भक्तपुर,३० भदौ २०७९प्रधानमन्त्री शेरबहादुर देउवासहित सबै मन्त्रीहरूले प्रधानमन्त्री तथा मन्त्रिपरिषद्को कार्यालयमा आफ्नो सम्पत्ति विवरण बुझाएका छन् । कार्यालयका अनुसार बुधबारसम्म सबै मन्त्रीहरूले सम्पत्ति विवरण बुझाएका हुन् ।
मन्त्रिपरिषद्को कार्यालय स्रोतका अनुसार यो आर्थिक वर्षमा प्रधानमन्त्री तथा मन्त्रीहरूलाई सम्पत्ति विवरण बुझाउन हिजोसम्मको समयसीमा थियो । उक्त अवधिमा मन्त्रिपरिषद्का सबै सदस्यले सम्पत्ति विवरण बुझाएको जनाइएको छ । अब जतिसक्दो छिटो उक्त सम्पत्ति विवरण सार्वजनिक गरिनेछ । प्रधानमन्त्री तथा मन्त्रिपरिषद् कार्यालयको वेबसाइटमा सम्पत्ति विवरण सार्वजनिक गरिने छ ।
यही भदौ १७ गते बसेको मन्त्रिपरिषद्को बैठकबाट ‘वर्तमान मन्त्रिपरिषद्का सदस्यहरूले प्रधानमन्त्री तथा मन्त्रिपरिषद्को कार्यालयमा पेस गरेको सम्पत्ति विवरण सार्वजनिक गर्ने निर्णय गरिएको थियो ।