News Portal

  • भक्तपुरमा विपद पूर्व तयारी तथा प्रतिकार्य योजना स्वीकृत : डेंगु विरुद्ध विशेष अभियान चलाइने

    भक्तपुरपोस्ट संवाददाताभक्तपुर, ३१ भदौ २०७९
    ७७२ पटक
    भक्तपुर, ३१ भदौ २०७९

    भक्तपुर जिल्ला विपद व्यवस्थापन समितिले विपद पूर्व तयारी तथा प्रतिकार्य योजना-२०७९ स्वीकृत गरेको छ । चालु वर्षमा विपद जोखिम न्यूनीकरण तथा विपदको समयमा खोज, उद्धार र राहत सम्बन्धी कार्यलाई व्यवस्थित गर्न सिडिओ रुद्रादेवी शर्माले पेश गरेको विपद पूर्व तयारी तथा प्रतिकार्य योजना-२०७९ समितिले सर्वसम्मत स्वीकृत गरेको हो ।

    बिहीवार सम्पन्न जिल्ला विपद व्यवस्थापन समितिको बैठकमा समितिको अध्यक्ष एवं सिडिओ रुद्रादेवी शर्माले सामुहिक प्रयासबाट मात्र विपदको जोखिम न्यूनीकरण र प्रतिकार्य प्रभावकारी हुने प्रष्ट पारिन । विपद जुनसुकै समयमा पर्नसक्ने सम्भावना भएकोले त्यसका विरुद्ध पूर्व तयारीका लागि स्थानीय सरकारहरुसंग समन्वय गरी अघि बढ्ने उनले बताइन । उनले विपद जोसुकैलाई पनि पर्न सक्ने भएकोले समुदायलाई सचेत र एकतावद्ध बनाएर अघि बढ्नुपर्ने आवश्यकता औल्याइन ।

    बैठकमा अहिले देखिएको डेंगु महामारीको रुपमा नरहेको पनि बताइएको छ । जिल्लामा ५ सय १० डेंगुका बिरामी भएको जानकारी गराउदै सिडिओ शर्माले डेंगु नियन्त्रण बाहिर नरहेको  बताएकी हुन् । बैठकले डेंगु फैलाउने लामखुट्टेलाई ‘खोज र नष्ट गर’ अभियान चलाउने समेत निर्णय गरेको सहायक सिडिओ माधवप्रसाद शर्माले जानकारी दिए । त्यसैगरी सर्वसाधारणलाई डेंगुबाट कसरी बच्ने भन्ने जानकारी गराउने उदेश्यले चेतनामूलक सूचना प्रवाह गर्ने प्रवन्ध मिलाउने समेत निर्णय गरिएको छ । उक्त बैठकले डेंगु बिरामीको प्रभावकारी उपचार भए नभएको अनुगमन गर्ने र निजी अस्पतालहरुको मनोमानी शुल्क नियन्त्रण गर्ने समेत निर्णय गरेको छ ।

    बैठकमा राजनीतिक दलका प्रतिनिधिहरुले डेंगुबारेका भ्रम र यथार्थ बारे प्रश्न राखेका थिए भने वरिष्ठ जनस्वास्थ्य अधिकृत कृष्णबहादुर मिजार र भक्तपुर अस्पतालकी मेसु डा सुमित्रा गौतमले त्यसबारे प्रष्ट पारे ।

    उक्त अवसरमा जिसस उपप्रमुख, मध्यपुर थिमिका नगर प्रमुख सुरेन्द्र श्रेष्ठ, सूर्यविनायककी उपप्रमुख सरिता तिम्सिना भट्टराई, चाँगुनारायणका प्रमुख प्रशासकीय अधिकृत र भक्तपुर नगरपालिकाका प्रतिनिधि एवं वडाध्यक्ष श्यामकृष्ण खत्रीले स्थानीय सरकारले डेंगु नियन्त्रणमा गरेका प्रयासबारे जानकारी गराउदै भावी योजना प्रस्तुत गरेका थिए ।

    प्रतिकृया दिनुहोस्

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...