News Portal

  • गम्भीर समुन्द्र सेतु माविमा ‘बाल साहित्य महोत्सव’

    भक्तपुरपोष्ट संवाददाता
    ५१९ पटक

    ललितपुर । ५८ औं राष्ट्रिय बाल दिवसका अवसरमा ललितपुर इमाडोलस्थित गम्भीर समुन्द्र सेतु माविले ‘बाल साहित्य महोत्सव’को आयोजना गरेको छ । विद्यालयले महालक्ष्मी नगरपालिकासँगको सहकार्यमा नगरस्तरिय महोत्सवको आयोजना गरेको हो ।

    बाल साहित्य महोत्सवमा नगरपालिकाका सरकारी र निजी गरी १० विद्यालयको सहभागिता रहेको थियो । यस्तै कार्यक्रममा हरेक विद्यार्थीलाई तीनवटा खेलमा सहभागी भएर पुरस्कार जित्ने मौका दिइएको थियो । महोत्सवमा हिटिङ द ग्लास, मनस्टर, लक्की डिपलगायत ७ वटा खेल खेलाइएको मध्ये हरेक विद्यार्थीले कम्तिमा तीनवटा खेलमा सहभागी हुन पाउने व्यवस्था गरिएको थियो ।

    महोत्सवको उद्घाटन गर्दै प्रमुख अतिथि महालक्ष्मी नगरपालिकाका नगर प्रमुख हरिगोविन्द श्रेष्ठले यस्ता बाल साहित्व महोत्सवले विद्यार्थीको अन्तर्निहित प्रतिभा प्रष्फुटनमा सहयोग पुग्ने बताए । आजका बालबालिका भोलिको देशका कर्णधार भएकाले उनीहरुले असल र जीवनोपयोगी शिक्षा पाउनुपर्ने बताए ।

    नगरपालिकाले पाँच वडामा बाल अधिकार संरक्षण समिति गठन गरिसकेको र अन्यमा पनि गठन गर्ने तयारी गरिरहेको भन्दै नगर प्रमुख श्रेष्ठले सिंगो नगरलाई नै बाल अधिकारमैत्री बनाउन लागिरहेको बताए । बाल अधिकार संरक्षणका लागि घरपरिवार हुँदै विद्यालय र पुरै नगर प्रतिबद्ध हुनुपर्ने भन्दै नगरका विद्यालयहरुलाई बालमैत्री बनाइने प्रतिबद्धता व्यक्त गरे । आजका बालबालिका भोलिका कर्णधार भएकाले उनीहरुलाई असल शिक्षा, नैतिकता, सामाजिक भावना र राष्ट्रियताको शिक्षा दिन सके भोलिको मुलुक समृद्ध बन्ने नगर प्रमुख श्रेष्ठले बताए ।

    गम्भीर समुन्द्र सेतु माविका विव्यस अध्यक्ष केदार कुमार केसीले बाल अधिकार संरक्षणमा सबै पक्ष प्रतिबद्ध हुनुपर्ने बताए । केसीले बालबालिकामा फरक फरक क्षमता र प्रतिभा हुने भएकाले त्यस्ता अन्तर्निहित प्रतिभा प्रष्फुटनका लागि यस्ता बाल महोत्सवहरु प्रभावकारी र महत्वपूर्ण हुने धारणा व्यक्त गरे । आफूहरु विद्यालयलाई बालमैत्री बनाउन लागीपरेको उनको भनाइ थियो ।

    विद्यालयका प्रधानाध्यापक देवेन्द्र महर्जनले बाल अधिकार संक्षरण सम्बन्धी सचेतना फैलाउने र उनीहरुमा भएको अन्तर्निहित प्रतिभा प्रष्फुटन होस् भनेर बाल साहित्य महोत्सव आयोजना गरिएको बताए । विद्यालयले सिकाइ र अतिरिक्त क्रियाकलापलाई सँगसँगै अघि बढाउँदै आएको महर्जनले बताए । विद्यालयले बालबालिकामा रहेका विभिन्न प्रतिभा प्रष्फुटनका लागि गतिलो आधारभूमि तयार पार्ने प्रयास गरिरहेको भन्दै प्रअ महर्जनले विद्यार्थीमैत्री र प्रविधियुक्त स्तरिय सिकाइका लागि प्रयासरत रहेको बताए । सबैले बालबालिकाको अधिकार संक्षणमा ध्यान दिनुपर्नेमा उनको जोड थियो ।

    महोत्सवमा नेपाली, विज्ञान, गणित र इञ्जिनियरियरिङ विषयको विषयगत शैक्षिक प्रदर्शनीसमेत गरिएको थियो । यस्तै महोत्सवमा नगरका १५ सय बढी विद्यार्थी, शिक्षक, अभिभावक, शिक्षासेवीलगायतको सहभागिता रहेको थियो । महोत्सवमा विद्यार्थीहरुले विभिन्न प्रतिभा प्रस्तुत गरेका थिए ।

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...