भक्तपुर,७ असोज २०७९भक्तपुरमा १७ महिने शिशुको गाडीले किचेर मृत्यु भएको छ । मृत्यु हुनेमा हाल मध्यपुर ठिमी नगरपालिका वडा नं १ लोकन्थली बस्ने सिन्धुपाल्चोक त्रिपुरासुन्दरी गाँउपालिका वडा नं ५ घर भएका केशवलाल श्रेष्ठको छोरा सलिन श्रेष्ठ रहेका छन् ।
आज बिहान त्रिपुरासुन्दरी ग्रिल उद्योग अगाडी बा ५ ख ७८१७ नं को निशान गाडीमुनि छिरी रहेको अवस्थामा गाडी अगाडी बढाउदा गाडीले किच्दा गम्भिर घाईते भएका थिए । उपचारको लागि समिट अस्पताल लोकन्थली लगिएकोमा उपचारकै क्रममा मृत्यु भएको प्रहरी नायब उपरीक्षक राजु पाण्डेले जानकारी दिए ।
प्रहरी वृत्त ठिमीबाट अनुसन्धान अधिकृत सहितको प्रहरी टोलीले प्रारम्भिक अनुसन्धान कार्य गरी सवारी साधन र चालक जिल्ला सिन्धुपाल्चोक मेलम्ची गाँउपालिका वडा नं ३ घर भई हाल काठमाण्डौ मुलपानी बस्ने वर्ष २३ को आकाश भुजेललाई नियन्त्रणमा लिएको छ ।
घटनाबारे थप अनुसन्धान कार्य भईरहेको छ ।