भक्तपुर, २७ कार्तिक २०७९ भक्तपुरमा शनिबार साँझा सवारी दुर्घटना परि एक जनाको मृत्यु भएको छ । गम्भीर घाइते भएका मोटरसाईकल चालक उपचारकै क्रममा मृत्यु भएको हो ।
दुर्घटनामा गम्भीर घाइते भएका मोटरसाईकल चालक काभ्रेपलान्चोक पाँचखाल वडा नं. १ बस्ने २३ वर्षीय सन्दिप बस्नेतलाई उपचारको लागि डा. ईवामुरा अस्पताल लगिएको थियो ।
शैनिक स्कुलबाट सल्लाघारीतर्फ गईरहेको बागमती प्रदेश-०२-०२८ प ७३९२ नं को मोटरसाईकललाई सल्लाघारीबाट शनिक स्कुलतर्फ जादै गरेको बा ७ च ०८१५ नं को कारले ठक्कर दिंदा सो दुर्घटना भएको हो ।
दुर्घटनामा परेका दुवै साधन जुल्ला प्रहरी परिसर भक्तपुरले नियन्त्रण लिएको छ । भक्तपुर नगरपालिका वडा नं. ४ पोटरस्क्वायर बस्ने २० वर्षीय कारका चालक आयुस कायस्थ प्रहरी परिसर भक्तपुरको नियन्त्रणमा छ ।
प्रहरी परिसर भक्तपुरबाट अनुसन्धान अधिकृत सहितको टोलि खटाइ घटनास्थलको थप अनुसन्धान भई रहेको जिल्ला प्रहरी परिसर भक्तपुरले जनाएको छ ।
