भक्तपुर,२९ कार्तिक २०७९ सोमबार भक्तपुरको सल्लाघारीमा पानी ट्यांकर र मोटरसाईकल ठोक्किँदा मोटरसाईकल चालकको मृत्यु भएको छ भने मोटरसाईकलमा सवार अर्का व्यक्ति गम्भीर घाइते भएका छन् ।
कालोपाटी बाट सल्लाघारी तर्फ जादै गरेको बा प्र ०२ -०३१ प् ७८६२ नम्बर को मोटरसाइकल अनियन्त्रित भइ बिपरित दिशाबाट आउँदै गरेको बा ४ ख ४२६८ नम्बर को पानि ट्यांकरमा ठक्कर लाग्न जाँदा मोटर साइकलमा सवार दुवै जना गम्भीर घाइते भएका थिए । घाइते दुबैलाई उपचारको लागि भक्तपुर अस्पताल लागेको र उपचारको क्रममा मोटरसाइकाल चालकको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिएका हुन् ।
उनका अनुसार मृत्यु हुनेमा मध्यपुरथिमि नगरपालिका–१ लोकन्थली बस्ने २६ वर्षीय साजन दुवारी रहेका छन् । मोटरसाईकलमा सवार झापा घर भई हाल मध्यपुरथिमि –३ बस्ने २३ वर्षीय अनिल साहको भक्तपुर अस्पतालमा उपचार भइरहेको उनले जनाए ।
प्रहरीले दुर्घटना भएका दुवै सवारीसाधन र ट्याङ्कर चालक भक्तपुर नगरपालिका–२ ब्यासी बस्ने २८ वर्षीय प्रवीण सुवाललाई पक्राउ गरी अनुसन्धान गरिरहेको जानकारी दिएका छन् ।