भक्तपुरपोस्ट संवाददाताभक्तपुर, १३ मंसिर २०७९
भक्तपुर, १३ मंसिर २०७९ कोरोना बिमाको भुक्तानी आजबाट सुरु हुने भएको छ । कोरोना महामारीका बेला गरिएको कोरोना बिमाको भुक्तानी आजबाट हुने निर्जीवन बिमा कम्पनीले जनाएको हो ।
कम्पनीले कोरोना बिमा भुक्तानीको २५ हजारमध्ये १८ हजार ६० वटा पोलिसीको भुक्तानी आजबाट सुरु गर्ने तयारी गरेको छ । जसबापत एक अर्ब एक करोड रकम भुक्तानी हुने देखिन्छ ।
यो रकम नेपाल सरकारले निकासा गरेको हो, नेपाल पुनर्बिमा कम्पनीले आफ्नो हिस्सा रकम थपेको छैन । कम्पनीहरूले पनि आफ्नो हिस्सामा पर्न आउने रकम दुई करोड २७ लाख रुपैयाँ पनि भुक्तानी गरेका छैनन् । हालसम्म नेसनल इन्स्योरेन्स, नेको इन्स्योरेन्स, ओरियन्टल र प्रिमियर इन्स्योरेन्स कम्पनीले मात्रै आफ्नो हिस्साको रकम संघलाई भुक्तानी गरेका छन् ।