भक्तपुर, ७ पुस २०७९ बिहिबार सङ्घीय संसद सचिवालयका २६ जना नवनिर्वाचित सांसदहरुले आफ्नै मातृभाषामा शपथ ग्रहण गर्ने भएका छन् । २६ जान सांसदहरुले विभिन्न १४ वटा मातृभाषामा शपथ ग्रहण गर्ने र बाँकी सांसदले नेपाली भाषामा शपथ ग्रहण सचिवालयका सहायक प्रवक्ता एवम् सूचना अधिकारी दशरथ धमालले जानकारी गरेका हुन् ।
सचिवालयका अनुसार नवनिर्वाचित २७५ सांसदमध्ये ज्येष्ठ सदस्य पशुपति शमशेर जबराले आज २ सय ७४ सांसदलाई पद तथा गोपनियताको शपथ गराउनेछ । ज्येष्ठ सदस्य जबरालाई राष्ट्रपति विद्यादेवी भण्डारीले हिजो (बुधबार) शपथ ग्रहण गराएका थिए ।
नेकपा (एमाले)का सांसद सराज अहमद फारुकीले उर्दुमा, नेकपा (माओवादी केन्द्र)का सांसदहरु मिना तामाङ र सूर्यमान तामाङ (दोङ), हितबहादुर तामाङले तामाङमा र सांसद दुर्गा राईले कोई–कोयू मातृभाषामा शपथ ग्रहण गर्नेछन् । जनता समाजवादी पार्टीका सांसदहरु प्रदीप यादव र रामसहाय प्रसाद यादव, उमरावती देवी यादवले भोजपुरी, रन्जु कुमारी झाले मैथलीमा शपथ ग्रहण गर्नुहुने सहायक प्रवक्ता धमालले जानकारी दिए ।
प्रवक्ता धमालका अनुसार नेपाली कांग्रेसका सांसद कान्तिका सेजुवालले खस भाषा र नागरिक उन्मुक्ति पार्टीका सांसदहरु अरुणकुमार चौधरी, रन्जिता श्रेष्ठ (चाैधरी), रुपा सो.सि. चौधरी, गंगाराम चौधरी डगौराले थारु, स्वतन्त्र सांसदहरु लालवीर चौधरीले थारु र किरण कुमार साहले संस्कृत भाषामा भाषामा शपथ ग्रहण गर्नेछन् ।
यसैगरी, जनमत पार्टीका सांसदहरु बिनिता कुमारी सिंह, चन्द्रकान्त राउत, अनिता देवीले मधेशी भाषा र सोनु मुर्मुले सन्याली, राष्ट्रिय स्वतन्त्र पार्टीका सांसदहरु सुमना श्रेष्ठले नेपालभाषा, मनिष झाले मैथली, लक्ष्मी तिवारीले अवधि, अशोककुमार चौधरीले थारु र असिम शाहले नेपाली/मुस्लिममा, नेकपा (माओवादी केन्द्र)काे चुनाव चिन्ह लिएर निर्वाचित हुनुभएका सांसदहरू महिन्द्र राय यादवले हिन्दीमा भाषामा शपथ ग्रहण गर्ने सहायक प्रवक्ता धमलाले बताए ।
