News Portal

  • माओवादी केन्द्रको पहलमा ७५ लाखको बिकास, अनुगमन गर्दै नेता ढकाल

    भक्तपुर, १३ पुस २०७९
    ५६१ पटक
    भक्तपुर, १३ पुस २०७९

    भक्तपुरको चाँगुनारायण नगरपालिका वडा नम्बर ८ स्थित वाइसियल मार्गमा भईरहेको सडक निर्माण कार्यबारे नेकपा (माओवादी केन्द्र) का केन्द्रीय सदस्य डिपी ढकालले स्थलगत अनुगमन गरेका छन् । नेता ढकालकै पहलमा बजेट बिनियोजन भई निर्माण कार्य अघि बढेको सडकको उनले स्थलगत अनुगमन गरेका हुन् ।

    तत्कालिन माओवादी शान्ति प्रक्रियामा आइसकेपछि उसको युवा संगठन वाइसियलले भक्तपुरको र खासगरी चाँगुनारायणको बिभिन्न ठाउँमा बाटोको ट्रयाक खोल्ने कार्य गरेकाले ती बाटोहरु वाइसिएल मार्गका रुपमा परिचित छन् । पछिल्लो समयमा भक्तपुरमा माओवादी पार्टी सांगठनिक रुपमा कमजोर हुँदा कतिपय ठाउँमा बाइसियलको नाम हटाएर स्थानीय सरकारले अन्य नामकरण गरेको देखिन्छ भने कतिपय ठाउँका बाटोहरु उपेक्षामा परेका पनि देखिन्छन ।

    वडा नम्बर ८ को सुडाल स्थित वाइसिएल मार्गको इतिहास कायम राख्न र स्थानीयलाई थप सुविधा दिन पार्टीका केन्द्रीय सदस्य डिपी ढकालले यस बाटोको बिस्तार र स्तरउन्नतीका लागि पहल गरी करिब ७५ लाख बजेट व्यवस्था गर्न सफल भएको स्थानीय माओवादी नेता मदन श्रेष्ठले जानकारी दिए । नेता श्रेष्ठले दिएको जानकारी अनुसार संघीय सरकारबाट ५५ लाख र बागमती प्रदेश सरकारबाट २० लाख गरी ७५ लाख वजेटमा निर्माण कार्य भई रहेको छ । यस बजेटबाट बाटो सिमाङ्कन, पर्खाल र ग्राभलिंङ् लगायतको काम सम्पन्न गरिने उपभोक्ता समितिका अध्यक्ष एवं माओवादी केन्द्रका चाँगुनारायण नगर उपाध्यक्ष बिनोद लामिछानेले बताए ।

    बुधवार अनुगमनका क्रममा नेता ढकालले बजेटको चिन्ता नगरी निर्माणलाई बलियो र प्रभावकारी बनाउन निर्देशन दिएका थिए । उनले अधिकत्तम जनता लाभान्वित हुनेगरी कार्य गर्नुपर्नेमा उपभोक्ता समितिलाई निर्देशन दिंदै दोश्रो चरणमा पिचको लागि पनि पहल गर्ने प्रतिवद्धता प्रकट गरे । अनुगमनमा पार्टीका स्थानीय नेताहरु, उपभोक्ता समितिका पदाधिकारी र स्थानीय अगुवाहरु समेत सहभागी रहेका थिए । उक्त अवसरमा स्थानीयले नेता ढकाल र माओवादी केन्द्र प्रति बिकास निर्माणमा सक्रियता देखाएको प्रति कृतज्ञता ब्यक्त गरेका थिए ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...