चाँगुनारायण-६ नगरकोट स्थित श्री युवा बचत तथा ऋण सहकारी सस्था लिमिटेडको २४औ साधारण सभा तथा ७ औं अधिवेशन सम्पन्न भएको छ ।

अधिवेशनबाट ११ सदस्यीय संचालक समिति निर्वाचित गरिएको छ । अध्यक्ष प्रकाश बास्ताेलाको नेतृत्वमा ११ सदस्यीय कार्यसमिति निर्विरोध निर्वाचित भएको हो । सस्थाको उपाध्यक्ष सबिता खत्री सचिवमा जयराम बास्ताेला, काेषाध्यक्षमा सुजिन्द्र मुनन्कर्मी निर्वाचित भएका छन् । त्यसैगरी सदस्यहरुमा धर्मराज गिरी, करुणा राउत क्षेत्री, दुर्गा थापा लामिछाने, आश्विन गिरी, दिनेश लामिछाने, सफल तामाङ र रामकुमार नेपाल निर्वाचित भएका नव निर्वाचित सचिव जयराम बास्तोलाले बताए । ३ सदस्यीय लेखा सुपरिवेक्षण समिति संयाेजकमा गाेविन्द ढुङ्गाना सदस्यहरुमा उषामाया तामाङ र प्रदिप अधिकारी सर्वसम्मत निर्वाचित भएका समेत सचिव बास्तोलाले बताएका छन् ।

उक्त अवसरमा सस्थाको आफ्नै नवनिर्मित सहकारी भवनको समेत समुद्घाटन कार्यक्रम सम्पन्न भएकाे बताइएको छ ।