सूर्यविनायक नगरपालिकाले मेलमिलाप सम्वन्धी आधारभूत तालीम शुरु गरेको छ । नगरपालिकाको न्यायिक समितिको आयोजनामा मेलमिलाप सम्वन्धी ८ दिने आधारभूत तालीम आइतबार बाट शुरु भएको हो ।                          तालीमको उद्घाटन गर्दै नगर प्रमुख बासुदेव थापाले तालीमबाट नगरपालिकाले दक्ष मेलमिलापकर्ता प्राप्त गर्ने बताए । बिबाद समाधानमा उनीहरुले उल्लेखनीय भूमिका निर्वाह गर्ने प्रमुख थापाले बिश्वास ब्यक्त गरेका छन् । उपप्रमुख सरिता तिम्सिना भट्टराईको अध्यक्षता रहेको उद्घाटन समारोहमा नगरपालिकाका प्रवक्ता एवं वडा नम्बर ७ का वडाध्यक्ष रवीन्द्र सापकोटा, प्रमुख प्रशासकीय अधिकृत राजेन्द्र प्रसाद कडेल लगायतले कानुन बमोजिम मिलाउन मिल्ने न्यायिक अधिकारका मुद्दालाई  नगरपालिकाले स्थानीयस्तरमै मिलाउन पहल गरिरहेको प्रष्ट पार्दै मेलमिलापका लागि दक्ष जनशक्ति  उत्पादनमा तालिम महत्वपूर्ण सावित हुने बताए ।                                                            तालीममा प्रत्येक वडाबाट ३ जनाको दरले ३० जना सहभागी रहेका न्यायिक समितिका सदस्य एवम् नगरपालिकाका अधिकृत सुरज पौडेलले जानकारी गराएका छन् । उनीहरुलाई कानुनले अधिकार दिएका मुद्दा मिलाउन अधिकार रहने पौडेलले प्रष्ट पारे । मेलमिलाप कर्ता कसलाई रोज्ने भन्ने छनौटको अधिकार भने झगडिया संग सुरक्षीत रहने र वकिल छानेजस्तै मेलमिलापकर्ता छान्न सक्ने उनको भनाइ छ । आइतबार सहभागीलाई तालीम दिन पूर्व महान्यायाधिवक्ता प्राडा युवराज सङ्ग्रौला समेत तालीम स्थल पुगेका थिए ।