भक्तपुर, २६ पुस २०७९नेपाल मजदुर किसान पार्टीका सांसद प्रेम सुवालले नेपालमा मृत्युदण्ड दिने कानूनी व्यवस्था गर्न माग गरेका छन् । ठूल्ठूला भ्रष्टाचारमा संलग्नलाई मृत्युदण्ड दिने कानूनी व्यवस्था गर्न उनले माग गरेका हुन् ।
मंगलवार प्रतिनिधिसभा बैठकमा बोल्दै भक्तपुर-१ बाट निर्वाचित सदस्य सुवालले बलात्कार, मानवअधिकारका उल्लंघन र नेपालको आन्तरिक कुरा विदेशीलाई पुर्याउनेलाई पनि मृत्यदण्डको कानुनी व्यवस्था गर्नुपर्ने बताए।
भक्तपुर औधोगिक क्षेत्र स्थानास्तरण गर्न कम्मर कसेर लागेका सांसद सुवालले काठमाडौं उपत्यकाका औंद्योगिक क्षेत्रहरू उपत्यका बाहिर सार्ने निर्णय तत्काल कार्यान्वयन गर्न पनि माग गरे।
उनले आफ्नो पार्टी नेमकिपाले प्रचण्ड नेतृत्वको वर्तमान सकार्लाई बिश्वासको मत नदिने पनि जनाएका छन् । नेपाली काँग्रेसले समेत समर्थन गरेको प्रचण्ड सरकारलाई कम्युनिष्ट भन्ने नेमकिपाले समर्थन नगर्नुको कारण वर्तमान सरकार कम्युनिष्टहरुको नभएको सुवालको जिकिर थियो ।