चाँगुनारायण नगरपालिकाले राजश्वको शिर्षक थप गरि काचो इट्टा बनाउने ब्यवसायलाई पनि करको दायरामा ल्याएको छ । मंगलवार १२ औं नगर अधिवेशनमा राजश्व शिर्षक थप गर्ने प्रस्ताव पारित भए संगै काचो इट्टा बनाउने ब्यवसाय पनि करको दायरामा आएको हो ।                                                        नगरपालिकाको आर्थिक ऐन २०७९ मा राजश्व शिर्षक थपिएपछि काचो इट्टा बनाउने ब्यवसायीले इट्टा उत्पादन र निकासी गरेवापत प्रती स्थान रु १० हजार बुझाउनु पर्ने ब्यवस्था गरिएको छ । साथै, इट्टा तयार पार्ने जग्गाले चर्चेको प्रती रोपनी रु ५ सयको दरले कर बुझाउनु पर्ने ब्यवस्था भएको छ ।                                                                                                 नयाँ ब्यवस्था अनुसार काचो इट्टा पारी निकासी गर्ने अस्थायी प्रकृतीको ब्यवसाय पनि करको दायरामा समेटिएको र त्यसलाई पनि ऐन लाग्ने ब्यवस्था प्रभावकारी पारिएको बताइएको छ ।