भक्तपुर, २७ पुस २०७९ ३०१औँ पृथ्वी जयन्ती तथा राष्ट्रिय एकता दिवसको अवसरमा नेपाली सेनाले गोरखाबाट सुरु गरेको ‘एकीकरण मार्ग पदयात्रा’ काठमाडौँ आइपुगेको छ । विशेष टर्चलाइटसहित तत्कालीन फौजले प्रयोग गरेका पोसाक तथा हतियारसहितको सैनिक टोली मङ्गलबार बिहान काठमाडौँ आइपुगेको हो ।
नेपाल एकीकरणका बेला पृथ्वीनारायण शाह र उनका फौजले मार्चपास गरेको पदमार्ग स्मरणमा सेनाको एकीकरण पदयात्रासहित टर्च -यालीको आयोजना गर्ने गरिएको छ ।
नेपाली सेनाका प्रवक्ता कृष्णप्रसाद भण्डारीका अनुसार नेपाल एकीकरणका बेला स्थापना भएका श्रीनाथ कालीबक्स गण, पुरानो गोरख बदेवाणी (हालको बर्दबहादुर र सुवुज) गणले विशेष मार्चसहित टर्च-याली काठमाडौँ ल्याएका हुन् ।
बिहीबार गोरखाबाट हिँडेको एकीकरण मार्ग पदयात्रा गोरखाबाट धादिङको भर्याङभुरुङ, नुवाकोट र ककनी हुँदै काठमाडौँ आइपुगेको हो । -यालीलाई विभिन्न स्थानमा बाजागाजा र फूलमालासहित स्वागत गरिएको थियो । नेपाल सरकारको नीति तथा कार्यक्रममा नेपाल एकीकरणका समयमा स्थापना भएका ऐतिहासिक किल्ला, गढीको संरक्षण तथा प्रवद्र्धन गर्ने नीतिअनुरूप नेपाली सेनाले वि.सं २०७६ पुस १ गतेदेखि एकीकरण मार्ग पदयात्रा सुरु भएको सेनाले जनाएको छ ।
काठमाडौँको हनुमानढोकास्थित शार्दूल जङ्ग गणमा आइपुगेको -यालीलाई विशेष बाजागाजा तथा झाँकीसहित बुधबार बिहान नगर परिक्रमा गरी सैनिक मुख्यालय जङ्गी अड्डामा रहेको पृथ्वीनारायण शाहको शालिकमा ल्याउने कार्यक्रम रहेको सैनिक जनसम्पर्क तथा सूचना निर्देशनालयले जनाएको छ ।
सन् १७६८ देखि पृथ्वीनारायण शाहले गोर्खा राज्यको विस्तार गरी २४ स–साना राज्यलाई समाहित गरी नेपाल एकीकरण गरेको स्मरणमा नेपाली सेनाले गोरखाबाट टर्चसहितको -याली काठमाडौँ ल्याउने गरेको हो । सन् १८१२ पृथ्वीनारायण शाह आफैँले कमान्ड गरेको फौजले नेपालको पूर्व टिस्टादेखि पश्चिमको काँगडासम्म सीमा विस्तार गरेको इतिहास छ ।