विराट नेपाल भाषा साहित्य सम्मेलन गुथिको तीन दिने साहित्य भ्रमण सम्पन्न भएको छ । विराट नेपाल भाषा साहित्य गुथि भक्तपुरको आयोजनामा तीन दिने साहित्य भ्रमण सम्पन्न भएको हो ।                                                                                   मकवानपुर जिल्लाको चित्लाङ , पालुङ, हेटौंडा लगायत विभिन्न ठाउँमा  साहित्यक अवलोकण भ्रमण सम्पन्न भएको आयोजकले जनाएको छ । भ्रमणमा चित्लाङको  नेवा जाती बहुसंख्य भएको मकवानपुर जिल्ला चित्लाङ  कुन्चा गां ( कुन्छाल)वस्तीमा गुथिका अध्यक्ष महेन्द्र गोपाल कर्मचार्यको अध्यक्षतामा साहित्य गोष्ठी  सम्पन्न गरिएको थियो । उक्त कार्यक्रममा कुन्चा गां का साहित्यकार र विराट गुथिका साहित्यकारहरुले जनपक्षीय साहित्य वाचन गरेका थिए । साहित्य गोष्ठीका प्रमुख अतिथि  थाहा नगरपालिका उप मेयर भरत गोपाली र समाजसेवी सानुकाजी गोपाली लगायतले भाषा, कला, साहित्य र संस्कृति बचाउन भक्तपुर र थाहा नगरपालिकाबीच आपसी सहयोगको आवश्यकता औल्याए ।

साहित्य कार्यक्रमकै क्रममा मकवानपुर जिल्ला हेटौंडामा नेपाल भाषा खल: को सभाहलमा पनि साहित्य गोष्ठी सम्पन्न भएको थियो ।
कार्यक्रममा प्रमुख अतिथी विराट गुठिका सल्लाहकार योगेन्द्र प्रधानले नेवा जाती राजनीतिक आर्थिक सांस्कृतिक भाषा साहित्य संरक्षण प्रवर्द्धन र विकास गर्न दक्षिण एसिया मै नेतृत्व गर्न सक्षम रहेको जिकिर गरेका थिए ।

नेपाल भाषा खल:का अध्यक्ष महेश्वर श्रेष्ठ, विराटका कोषाध्यक्ष राम गोपाल चगुठी, प्रदिप शाक्य लगायतले नेवा: भाषा, साहित्य र सस्कृतीबारे धारणा राखेका थिए ।

तीन दिने साहित्यक भ्रमणको लागि भक्तपुरको सूर्यविनायक नगरपालिका वडा नं ५ का वडा अध्यक्ष राजकुमार जोशीको पहलमा वडाले बजेटको ब्यवस्था गरिदिएको विराटका अध्यक्ष महेन्द्र गोपाल कर्माचार्यले बताए ।