News Portal

  • भक्तपुरका नेता ढकाल मुख्यमन्त्री जमरकट्टेलको प्रमुख सल्लाहकार नियुक्त

    भक्तपुरपोष्ट संवाददाताभक्तपुर, १७ माघ २०७९
    ७४२ पटक
    DP dhkalभक्तपुर, १७ माघ २०७९

    नेकपा(माओवादी केन्द्र) का केन्द्रीय सदस्य एवं निवर्तमान भक्तपुर जिल्ला संयोजक डिपी ढकाल बागमती प्रदेशका मुख्यमन्त्री शालिकराम जमरकट्टेलको मुख्य राजनीतिक सल्लाहकार नियुक्त भएका छन् । मंगलबार बिहान बसेको प्रदेश मन्त्री परिषदको बैठकले नेता ढकाललाई मुख्यमन्त्रीको प्रमुख राजनीतिक सल्लाहकार नियुक्त गरेको हो ।

    युवा नेता  ढकाल अर्थ राजनीतिमा दखल राख्दछन । अर्थ राजनीतिका पुस्तकहरु समेत लेखेका उनी माओवादी केन्द्र भित्र बौद्धिक युवा नेताको पहिचान बनाउन सफल रहेका छन् । विद्यार्थी उमेरमै अखिल क्रान्तिकारीको नेतृत्व गरेका नेता ढकाल फरक आस्था राखेकै कारण लामो समय जेल जीवन बिताउन बाध्य बनेका थिए । तत्कालीन जनयुद्धमा सक्रिय सहभागी भएका ढकालले जनतालाई पार्टीले दिएको आश्वासन र जनताले पार्टी बाट राखेका आशालाई यथार्थमा बदल्ने अवसर प्राप्त भएको प्रतिक्रिया दिएका छन् ।  प्रदेश राज्य मन्त्री सरहको उक्त पद भक्तपुरका नेताले पाउँदा  जिल्लाको बिकाशमा मात्र नभई सिङ्गो बागमती प्रदेशको दीर्घकालीन बिकाशमा टेवा पुग्ने माओवादी केन्द्रका जिल्ला संयोजक सुनिल  बासुले बिश्वास ब्यक्त गरे ।

    माओवादी केन्द्रका नेता वर्षमान पुन अर्थमन्त्री हुँदा उनको प्रमुख स्वकीय सचिव रही मन्त्रालय हाकेको अनुभव समेत नेता ढकालसंग रहेको छ । नेता ढकाल चाँगुनारायण नगरबासी हुन् । उनलाई मुख्य मन्त्रीको सल्लाहकार बनाउन पार्टीको बागमती प्रदेश समितिले निर्णय गरि सिफारिस गरेको प्रदेश अध्यक्ष सरल सहयात्रीले जानकारी गराए । उनले समग्र युवाको प्रतिनिधित्व गर्दै पार्टीको नीति र जनचाहना अनुरुप काम गर्न मुख्यमन्त्रीलाई प्रेरित गर्ने एवं आवश्यक सहयोग गर्ने अध्यक्ष सहयात्रीले बताए ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...