भक्तपुर, १० फागुन २०७९भक्तपुर नगरपालिकाले समस्याग्रस्त सहकारी व्यवस्थापनका लागि छुट्टै व्यवस्थापन समिति गठन गर्ने व्यवस्था गरेको छ । नगरसभा बैठकको भक्तपुर नगरपालिका, सहकारी नियमावली २०७९ सहित सर्वसम्मतिले पारित गर्दै यस्तो व्यवस्था गरिएको हो ।
भक्तपुर नगरपालिकाको सहकारी ऐन २०७४ लाई व्यवस्थित रुपमा कार्यान्वयन गर्न सहकारी नियमावली २०७९ ल्याइएको प्रष्ट पार्दै नगर प्रमुख सुनिल प्रजापतिले अव्यवस्थित रुपले नाफाका लागि मात्र संचालित सहकारीलाई यसले नियमन र नियन्त्रण गर्ने दावी गरे । प्रमुख प्रजापतिले नगरभित्रका सहकारीहरुलाई उत्पादनमूलक क्षेत्रमा लगानी गराउन नियमावलीले सहयोग पुर्याउने र अनुत्पादक क्षेत्रमा लगानी गरी संकट उत्पन्न गर्नेलाई निरुत्साहित गरिने जानकारी गराए ।
सो नियमावलीमा एकै वा फरक प्रकृतिका दुई वा दुईभन्दा बढी संस्था वा संघले अन्तर सहकारी सहयोगको भावनाले संयुक्त वा साझेदारीमा आप्mनो उत्पादन वा सेवाको बजारीकरणका लागि कारोबार, व्यवसाय, उद्योग वा परियोजना संचालन गर्न सकिने समेत उल्लेख गरिएको छ ।
आज बसेको सभामा नियमावली माथि भएको छलफलमा सभासद्हरु रामसुन्दर बासी, पुरुषोत्तम तमखु र नारायणप्रसाद बासीले सञ्चालक समिति पदाधिकारीहरुको फोटो सहित स्पष्ट परिचय खुल्ने होर्डिङ बोर्डको व्यवस्था गर्नुपर्ने, सहकारी संस्थाहरुलाई उत्पादनमूलक क्षेत्रमा लगानी गराउन ऐनमा बाध्यात्मक व्यवस्था गर्नुपर्ने,कालोसूचीमा रहेको ऋणीहरुलाई नगरपालिकाले दिने सुविधाबाट बञ्चित गर्नुपर्ने लगायतको सुझाव दिएका एक सहभागीले जनाएका छन् ।