भक्तपुरपोस्ट संवाददाता भक्तपुर, १४ फागुन २०७९
भक्तपुर, १४ फागुन २०७९भक्तपुरको मध्यपुर थिमि–१ लोहकिल्थलीमा घर बनाउन जग खन्ने क्रममा एक मजदुरको ज्यान गएको छ । छिमेकी घरको पर्खाल खस्दा गम्भिर घाईते भएका मजदुरको ज्यान गएको हो ।
ज्यान गुमाउनेमा सुनसरी बराहक्षेत्र नगरपालिका ४ का २३ वर्षिय मञ्जय भनिने धर्मेन बिक रहेको प्रहरीको भनाइ छ । आइतबार तुलसीप्रसाद गौतमको घर बनाउन जग खन्ने क्रममा छिमेकी रामप्रसाद ओलीको पर्खाल एक्कासी लडेर जग खन्दै गरेका बिकको ज्यान गएको जिल्ला प्रहरी परिसर भक्तपुरका सूचना अधिकारी रहेका डिएसपी कुमार प्रसाद मैनालीले जानकारी गराए ।
अचेत अवस्थामा बिकलाई बिहान करिब सवा ८ बजे थिमी वृत्तले उद्धार गरी उपचारका लागि नागरिक अस्पतालमा ल्याइपुर्याएको थियो । उपचारको क्रममै बिकको बिहान सबा १० बजे नै ज्यान गएको प्रहरीको भनाइ छ ।