भक्तपुरपोस्ट संवाददाता भक्तपुर, ६ चैत २०७९
भक्तपुर, ६ चैत २०७९एउटै कार्यकालमा प्रधानमन्त्री पुष्पकमल दाहाल प्रचण्डले दुईपटक बिश्वासको मत लिएका छन् । पहिलो पटक विश्वासका मत नदिएका २ दल मध्ये राष्ट्रिय जनमोर्चाले यसपटक बिश्वासको मत दिएको छ भने नेमकिपा तटस्थ बसेको छ ।
तथापी यसपटक पनि बिश्वासको मत नदिने दलको संखा भने दुई नै पुगेको छ । नेकपा एमाले र राष्ट्रिय प्रजातन्त्र पार्टीले बिपक्षमा मत लिएका छन् ।
पहिले सरकारमा सहभागी भएका र समर्थन गरेका नेकपा एमाले र राष्ट्रिय प्रजातन्त्र पार्टीले समर्थन फिर्ता लिएपछि प्रधानमन्त्रीले संवैधानिक व्यवस्थाअनुसार दोश्रोपटक विश्वासको मत दिएका हुन् ।
सोमबार प्रतिनिधि सभामा उपस्थित २ सय ६२ सांसदमा १ सय ७२ जनाले प्रधानमन्त्रीलाई विश्वासको मत दिएका छन् । ८९ सांसदले यस प्रस्तावको विपक्षमा मत दिँए भने नेमकिपाका सांसद प्रेम सुवाल तटस्थ रहे ।