भक्तपुर, १८ चैत २०७९प्रधानमन्त्री पुष्पकमल दाहाल प्रचण्ड भक्तपुर आउने भएका छन् । शनिवार दिउँसो उनी भक्तपुरको सूर्यविनायक आउने भएका हुन् ।
नेकपा(माओवादी केन्द्र) का केन्द्रीय अध्यक्ष समेत रहेका प्रधानमन्त्री प्रचण्ड पार्टी कामको सिलसिलामा भक्तपुर आउने भएका उनका प्रेस बिज्ञ मनहरी तिमिल्सिनाले पुष्टि गरे । अध्यक्ष प्रचण्डले जिल्लास्थित नेताकार्यकर्तालाई राजनीतिक बैचारिक प्रशिक्षण दिने कार्यक्रम रहेको पार्टीका जिल्ला समन्वय समिति भक्तपुर संयोजक सुनिल गोठे बासुले बताए ।
सूर्यविनायकस्थित एक पार्टी प्यालेसमा प्रधानमन्त्री प्रचण्डले पार्टी अध्यक्षको हैसियतले जिल्ला समन्वय समितिका साथै नगर समिति र जनवर्गीय संगठन समितिका पदाधिकारीलाई प्रशिक्षित गर्ने बताइएको छ ।
अपडेट : शनिवार दिउँसो उनी भक्तपुरको सूर्यविनायक आउने भनिएको कार्यक्रम स्थगित भएको छ ।अचानक महत्वपूर्ण कार्य व्यस्तताका कारण उनी आउँन नसक्ने भएपछि कार्यक्रम स्थगित गरिएको पार्टीका जिल्ला समन्वय समिति भक्तपुर संयोजक सुनिल गोठे बासुले बताएका छन् ।
”प्रशिक्षणका लागि अध्यक्षको अनुकुल समय मिलाएर अर्को मिति तय गरिनेछ ।” संयोजक बासुले भने ।