News Portal

  • प्रेस सेन्टर भक्तपुरको साधारण सभा सम्पन्न

    भक्तपुरपोष्ट संवाददाताभक्तपुर, ८ बैशाख २०८०
    ३५७ पटक
    भक्तपुर, ८ बैशाख २०८०

    प्रेस सेन्टर नेपाल भक्तपुर जिल्ला समन्वय समितिको साधारणसभा सम्पन्न भएको छ । शुक्रबार थिमीस्थित शंखधर पार्टी प्यालेसमा बिकास, सुशासन र परिवर्तनको पक्षमा पत्रकारको भूमिका विषयक अन्तरक्रिया सहित सेन्टरले आफ्नो वार्षिक साधारण सभा सम्पन्न गरेको हो ।

    सभालाई सम्बोधन गर्दै प्रेस सेन्टरका केन्द्रीय अध्यक्ष विष्णु सापकोटा जुगलले संघीय लोकतान्त्रिक गणतन्त्रको रक्षा र परिवर्तनलाई सस्थागत गर्न प्रेस सेन्टरले थप योगदान गर्नुपर्ने आवस्यकता औंल्याए । वर्तमान सरकार प्रमुख प्रचण्ड र नेकपा माओवादी केन्द्र बाहेक अरुसंग देश विकास र समृद्धिको स्पष्ट भिजन नभएको भन्दै उनले प्रचण्ड सरकारलाई जनतासंग जोड्न प्रेस सेन्टरका पत्रकारहरु लाग्नुपर्ने निर्देशन समेत दिए ।

    परिवर्तनको बिरासत बोकेको प्रेस सेन्टरसंग अरु पत्रकार संगठनको तुलना हुन नसक्ने भन्दै उनले प्रेस सेन्टर नै पत्रकारहरुको अगुवा संगठन भएको बताए । पत्रकारका लागि न्यूनत्तम पारिश्रमिक निर्धारण समिति बनाउने कार्य र त्यसले निर्धारण गरेको पारिश्रमिक लागू गर्ने कार्यमा सेन्टरले गरेको योगदान स्मरण गर्दै उनले श्रमजीवी पत्रकारका सहारा प्रेस सेन्टर बाहेक अरु हुन नसक्ने जिकिर गरेका थिए ।

    त्यसैगरी विशेष अतिथि एवं बागमती प्रदेश सभा सदस्य देवेन्द्र श्रेष्ठले सेन्टरमा आवद्ध पत्रकारका कलम तिखा र जनपक्षीय हुनुपर्ने बताए । क्रान्तिकारी धारलाई बचाइराख्न आफ़्नैहरु बिरुद्ध निर्मम प्रस्तुत हुन प्रोत्साहन गर्नुका साथै उनले प्रतिक्रान्तिका पिछलग्गु हुन बाट भने जोगिनुपर्नेमा जोड दिए ।

    नेकपा(माओवादी केन्द्र)को केन्द्रीय सदस्य समेत रहेका श्रेष्ठले प्रतिक्रान्तिले टाउको उठाउन खोजेको खुलासा गर्दै पार्टी अध्यक्ष प्रचण्डको प्रतिरक्षामा पार्टी पंती उभिन नसकेको निष्कर्ष निकाले । उनले जनयुद्धमा बन्दुक र कलमको फ्युजनले क्रान्ति सफल भएको स्मरण गर्दै अहिले पत्रकारले मात्र लडाइको मोर्चा सम्हाल्न नसकेको बताए ।  प्रेस सेन्टरले ससक्त ढंगबाट  बिचार र नेतृत्वका साथै परिवर्तनको रक्षा गर्नुपर्नेमा श्रेष्ठले जोड दिए । पार्टीले प्रेस सेन्टरलाई सहि ढङ्गले परिचालन गर्न नसक्दा प्रचारको मोर्चा कमजोर बनेको उनको भनाइ थियो ।


    अर्का विशेष अतिथि एवं बागमती प्रदेशका मुख्यमन्त्रीका प्रमुख राजनीतिक सल्लाहकार डिपी ढकालले सेन्टरमा आवद्ध पत्रकारहरु आवाजविहीनहरुको आवाज बन्नुपर्ने बताए । अब पत्रकारको भूमिका बदलिनुपर्नेमा जोड दिँदै उनले सूचना, समाचार र विचार हतियार भन्दा शक्तिशाली हुने बताए ।

    नेकपा(माओवादी केन्द्र)को केन्द्रीय सदस्य समेत रहेका ढकालले जनयुद्धलाई हत्या हिंसा भन्ने राजाबादीहरुले राजतन्त्रले एकीकरणका नाममा गरेको नर संहारको भारी बोक्नुपर्ने बताए । त्यसैगरी, राजतन्त्रमा देशमा अनेक हत्याकाण्ड मच्चाइएका र नेपालीलाई बिनाहकमा विश्वयुद्धमा होमेर व्यहोर्नुपरेको जनधनको क्षती पनि राजतन्त्रबादीले पूर्ती गर्नुपर्नेमा उनले जोड दिए ।

    उक्त अवसरमा नेकपा माओवादी केन्द्र भक्तपुरका संयोजक सुनिल गोथे वासुले भक्तपुरमा जनपक्षीय पत्रकारिता कम्जोर बन्दा जनता गुमराहमा परिरहेका प्रष्ट पारे ।

    प्रेस सेन्टर नेपालका उपाध्यक्ष तथा उपत्यका प्रदेश इन्चार्ज निर्मल ज्ञवालीले उपत्यकामा नयाँ धारबाट सेन्टर लाई सुद्रिढिकरण गर्ने योजना सुनाए । उपाध्यक्ष गंगा बरालले महिला पत्रकारहरुलाई सेन्टरले प्राथमिकता दिएकाले संगठित गर्दै जानुपर्नेमा जोड दिइन । प्रेस सेन्टर नेपालका केन्द्रीय महासचिव सन्तोष पौडेलले हिजो आस्थाका आधारमा संगठनका पत्रकारले ज्यान गुमाउनुपरेको स्मरण गर्दै शहिदले देखाएको पत्रकारिताको बाटो पक्रदै प्रेस सेन्टरमा आवद्ध पत्रकार अघि बढ्नुपर्ने बताए । प्रेस सेन्टर नेपालका केन्द्रीय सल्लाहकार भवानी बरालले विश्व प्रविधिको घेराबन्दी पर्दा सूचना सिमित व्यापारीको मुट्ठीमा पुगेको विश्लेष्ण गरे भने उपत्यका प्रदेशका अध्यक्ष नवराज दाहालले प्रेस सेन्टर प्रदेशको कार्यभार र कार्यदिशा बारे प्रष्ट पारेका थिए ।

    उक्त अवसरमा नेपाल पत्रकार महासंघ काठमाडौंका अध्यक्ष सुर्य सुवेदीले पत्रकारका कदम र कलम सदैव जनपक्षीय पत्रकारिताको पक्षमा अगाडि बढ्नुपर्ने बताए । उक्त अवसरमा प्रेस सेन्टर उपत्यका प्रदेशका बरिष्ठ उपाध्यक्ष सागर पन्त, सचिव भिमराज खड्का र प्रेस सेन्टर रासस प्रतिष्ठान शाखाका अध्यक्ष रत्न कृष्ण श्रेष्ठको समेत उपस्थिति रहेको थियो ।

    अध्यक्ष संजीप घिमिरे शुभचिन्तकको अध्यक्षतामा सम्पन्न कार्यक्रमको संचालन सहसचिव प्रदिप श्रेष्ठले गरेका थिए भने उपाध्यक्ष बाबुकाजी साछें श्रेष्ठले स्वागत मन्तब्य राखेका थिए । साधारण सभाले सचिव मदन ढुंगाना र कोषाध्यक्ष निराजन सिलवालले प्रस्तुत गरेको प्रतिवेदन सर्वसम्मत पारित गरेको  सेन्टरका भक्तपुर उपाध्यक्ष रोशन गाउँलेले जानकारी गराए ।

    उक्त अवसरमा जिल्लाबाट बिशिष्ठ क्षेत्रमा पुगेका प्रदेश सभा सदस्यद्वय देवेन्द्र श्रेष्ठ र भुवनकेशरी श्रेष्ठ त्यसैगरी बागमती प्रदेश सरकारका मुख्यमन्त्रीका प्रमुख राजनीतिक सल्लाहकार डिपी ढकाललाई सम्मान गर्दै जनताको अपेक्षा अनुसार कार्य सफलताको कामना सहित शुभकामना पत्र प्रदान गरिएको थियो ।

    प्रतिकृया दिनुहोस्

    भक्तपुरका बासुले ल्याए मोबाइल हराउन नदिने ‘एप’

    भक्तपुरका व्यवसायी सुवास बासुले मोबाइल हराउन नदिने एप्लिकेशन भित्राएका छन् । उनले भारतमा लोकप्रिय रहेको...

    एमाले भक्तपुरको अध्यक्षमा दोहोरिए देउजा

    नेकपा एमालेको भक्तपुर जिल्ला कमिटीको ९ औं अधिवेशनले नयाँ नेतृत्व निर्वाचित गरेको छ । सल्लाघारीस्थित...

    भक्तपुर एमालेमा २ प्यानल, मतदानबाट नेतृत्व निर्वाचित गरिँदै

    नेकपा एमालेको भक्तपुर जिल्ला कमिटीमा नयाँ नेतृत्व चयनका लागि निर्वाचन हुने भएको छ । सल्लाघारीस्थित...

    भक्तपुर निवासी पौडेल ३८ वर्षमै सहसचिव सिफारिस

    krishna paudel CDO

    बिराटनगर स्थायी ठेगाना भई भक्तपुरको मध्यपुर थिमी-३ निवासी गृह मन्त्रालयका उपसचिव कृष्ण पौडेल निजामती सेवाको...

    सर्लाही एमालेमा पुन: साहकै नेतृत्व, १२ मतले पछि परे प्रसाईं

    नेकपा एमाले जिल्ला कमिटी सर्लाहीको अध्यक्षमा राजकुमार साह निर्वाचित भएका छन् । सदरमुकाम मलंगवामा बुधबार...