भक्तपुर, २१ बैशाख २०८०नेपाल मानव अधिकार संगठन भक्तपुरको नेतृत्वमा फेरिपनि रामकृष्ण मानन्धर निर्वाचित भएका छन् । तेस्रो कार्यकालका लागि उनी निर्विरोध निर्वाचित भएका हुन् ।
संगठनको शुक्रवार कमलविनायकमा सम्पन्न १० औं सम्मेलनले मानन्धरको सभापतित्वमा १३ सदस्यीय नयाँ कार्यसमिति निर्वाचित गरेको हो । बन्द सत्रमा अरुको उम्मेदवारी नपरेपछि सभापतिमा रामकृष्णलाई निर्विरोध निर्वाचित भएको घोषणा गरिएको निर्वाचन संयोजक हरिराम लवजुले जानकारी गराए ।
सभापति रामकृष्ण मानन्धरले प्रस्ताव गरेका उपसभापति लगायत १३ सदस्यीय कार्यसमितिलाई बन्द सत्रले निर्विरोध निर्वाचित गरेको नवनिर्वाचित कार्यसमिति सदस्य राजेश मान मानन्धरले बताइएका छन् । मानन्धर भक्तपुर पोस्टका ब्यवस्थापक समेत हुन् ।
कार्यसमितिको उपसभापतिमा पशुपति भक्त राय, सचिवमा जेनीकिरण बासुकला,सहसचिवमा प्रेमिला प्रजापति र सरोज खोतेजा तथा कोषध्यक्षमा रामप्रसाद प्रजापति निर्वाचित भएका छन् ।
त्यसैगरी नवनिर्वाचित सदस्यहरूमा राजेशमान मानन्धर, राम बैद्य, बिष्णु खड्का, संजय गसी श्रेष्ठ, निलु प्रजापति, काशीराम प्रजापति र राजेश भोयद्यो रहेका छन् ।
सम्मेलनको उद्घाटन सत्रमा संगठनका उपत्यका संयोजक रोबिन सिंह बस्नेत, केन्द्रीय सदस्य रचना श्रेष्ठ त्यसैगरी जिल्लाका सल्लाहकार द्वय श्यामसुन्दर धौभडेल र बिश्वमोहन जोशी लगायतको आतिथ्यता रहेको थियो ।
