News Portal

  • भक्तपुर नगरभित्रका प्रधानाध्यापकहरुको भेला सम्पन्न

    भक्तपुरपोस्ट संवाददाता भक्तपुर, २५ बैशाख २०८०
    ५९९ पटक
    भक्तपुर, २५ बैशाख २०८०

    भक्तपुर नगरपालिकाले आफ्नो नगरभित्र सञ्चालित सामुदायिक, संस्थागत र सार्वजनिक गुठी अन्तर्गत सञ्चालित सबै विद्यालयका प्रधानाध्यापकहरुको भेला सम्पन्न गरेको छ । सोमबार सो भेला सम्पन्न भएको हो ।

    प्रधानाध्यापकहरुलाई सम्बोधन गर्दै नगर प्रमुख सुनिल प्रजापतिले नगरको शैक्षिक गुणस्तर वृद्धि गर्न निर्देशन दिएका छन् । स्थानीय सरकार सञ्चालन ऐन, २०७४ ले स्थानीय तहलाई विद्यालय व्यवस्थापनको जिम्मेवारी दिएपछि भक्तपुर नगरपालिकाले विद्यालयहरुको नियमन, व्यवस्थापन र अनुगमन कार्यलाई प्रभावकारी बनाउन खोजिरहेको प्रष्ट पार्दै प्रमुख प्रजापतिले यस शैक्षिक सत्रबाट प्रविधिको प्रयोग गरी प्रभावकारी अनुगमन गरिने जानकारी जानकारी गराए । विद्यालय अनुगमन प्राविधिक समिति गठन गरिएको र यस समितिले विद्यालयको प्रभावाकरी अनुगमन गरी सुधार तर्फ लैजाने उनले बिश्वास व्यक्त गरे । विद्यालयलाई राम्रो बनाउन शिक्षकहरु समय सापेक्ष प्रविधिमैत्री हुनुपर्नेमा जोड दिदै उनले विद्यार्थीमैत्री बन्न सुझाव समेत दिएका थिए ।

    उच्च शिक्षा अध्ययन गर्न विद्यार्थीहरु विदेशिने क्रम बढ्दै जानु अहिलेको जटिल समस्या भएको बताउदै प्रमुख प्रजापतिले विद्यालय उच्च शिक्षाको जग भएको हुदा सामुदायिक तथा संस्थागत विद्यालयहरुले स्वदेशमै पढ्न र काम गर्न प्रेरित गर्नसक्नुपर्नेमा जोड दिए ।
    “भक्तपुरलाई शैक्षिक गन्तव्य र देशकै शिक्षा, स्वास्थ्य र सम्पदा संरक्षणमा कार्य गर्ने उदाहरणीय स्थानीय तह बनाउने लक्ष्यका साथ काम गरौँ ।” उनले भने ।

    कार्यक्रममा भनपा वडा नं. ५ का वडाध्यक्ष योगेन्द्रमान विजुक्छेंले भनपाले सामुदायिक विद्यालय र संस्थागत विद्यालयलाई समान रुपमा अगाडि बढाउने बताउदै संस्थागत विद्यालयले बिचलित नभई नगरपालिका र वडासंग समन्वय गरी अगाडि बढ्नुपर्ने बताए ।

    भनपा–९ का वडाध्यक्ष रविन्द्र ज्याख्वले भक्तपुर नगरपालिकाले शिक्षा क्षेत्रमा गरेको प्रगती सबैले प्रशंसा गरेकोले त्यसलाई कायम राख्ने र थप बिकास गर्ने कार्यभार पूरा गर्न प्रधानाध्यापक र शिक्षकले अझ मिहिनेत गर्नुपर्ने बताए ।

    प्रककार्यक्रममा शिक्षा शाखाका प्रमुख कृष्णप्रसाद कर्माचार्यले नगर शिक्षा शाखाले शैक्षिक वर्षमा सञ्चालन गर्ने कार्यक्रमबारे प्रस्तुतीकरण सहित कार्यपत्र प्रस्तुत गरेका थिए ।

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...