भक्तपुर, ३१ बैशाख २०८०भक्तपुरको सूर्यविनायक नगरपालिकास्थित चुनदेवीमा भिषण आगलागी भएको छ । बेलुकी ७ बजे देखि लागेको आगो नियन्त्रणमा आएको छैन ।
चुनदेवीको एक फर्निचर गोदाममा आगलागी भएको जुद्ध वारुण यन्त्र कार्यालयका प्रमुख लोकबहादुर कार्कीले जानकारी गराएका छन् ।
कार्कीले जानकारी गराए अनुसार कार्यालयका ३ दमकल सहित काठमाडौं र ललितपुर बाट समेत दमकल आएर आगो निभाउने क्रम चलिरहेको छ । आगलागी भैरहदा आकाश बाट वर्षा भएपनि आगो अझै नियन्त्रणमा आउन सकेको छैन ।
अग्नि नियन्त्रकहरुबाट प्रहरी, सेना र स्थानीयको सहयोगमा आगलागी नियन्त्रण प्रयास भैरहेको जिल्ला प्रहरी वृत्त जगातीका डिएसपी राजकुमार श्रेष्ठले जनाएका छन् । केही घन्टामै आगो पूर्ण नियन्त्रणमा आउने उनले बताएका छन् ।
अपडेट : चुनदेवीस्थित फर्निचर गोदाममा लागेको आगो नियन्त्रणमा आएको छ । आगो निभाउन गरिएको ६ घण्टाको अथक प्रयासपछि आगो नियन्त्रणमा आएको हो । राति करिब १ बजे आगो निभाउन सफल भएको जुद्ध बारुण यन्त्र कार्यालयका प्रमुख लोकबहादुर कार्कीले जनाएका छन् । आगलागीबाट फर्निचर लगायत लाखौको धनमाल जलेर नष्ट भएको छ ।